Coronavirus kong he pehtlai in khuaruahhar ngai a simi thil a cang. Tuchun 20 April 2020 ah New York Post nih an thanhmi cu phundangte a si. An chimning ah cun hi coronavirus ai thoknak China Wuhan khua ah doctor pahnih cu an vun zawng zong ai thleng viar ti a si. Hi doctor minung pahnih hna hi coronavirus in thideng in an rak zaw. A dam cu an dam ṭhan nain an dam hnu ah an vun zawng cu ai thleng dih. An vun zawng cu a muih bak in a mui cang tiah an chim.

Kan hnu lei January 18 lio ah khan Dr. Yi Fan le Dr. Hu Weifeng kum 42 veve cu nevel coronavirus (COVID-19) in an rak zaw. An pahnih hin Wuhan Central Hospital ah thlawp an si tiah UK’s Metro report nih an thanh. Faak ngaingai in a zawmi doctor pahnih hna cu Wuhan Pulmonary Hospital ah chiah an rak si. Hi doctor minung pahnih hna hi voihnih khengte an umnak zong ṭhial an rak si tiah state broadaster CCTV nih a langhter. Hi siibawi pahnih an vun ai thlen dih hi an thin hna cu rungrul nih a hrawh dih hnu ah a si tiah Chinese state media report nih an tarlangh.

A sinain doctor pakhat deuh hi cu a hramthokcem i an thlawp lio ah sii an peekmi ruang ah a si lai tiah an ruah. Docotr Yi hi ECMO (estracorporeal membrane oxygenation) timi seh hi ni 39 chung bak thlahlo in bunhter a si. Hi seh an hmanmi hi thin le lung pawl an hlai hna i an hmanmi bantuk he an i lo ti a si. Ka lung a hung fimhnu i ka sining ka van i theih ah cun ka ṭih ngaingai. Mangchia zong ka ngeih phah tiah Dr. Yi nih sii inn i a ihkhun cun in CTV hmai ah a chim.

Dr. Hu a zohkhenhtu Dr. Li Shudsheng nih ECMO in ni 99 chung February 7 in March 22 tiang bak rak zohkhenh a si. Cu caah a tu tiang hin Dr. Hu hi a derthawm ngai rih tiah a chim. Kan hnu April 11 ceo lang ah khan Dr. Li hi a van holh kho ṭhan. A zawng hi a thin rian ṭuanning hi cuhlan bantuk a si (normal) hnu ah cun a zawng zong hi cu hlan bantuk a si te kho tiah a chim chih. Ref: New York Post