Khrihfami Kan Caah Hinak In Thawngpang Chia A Ti Hnga Maw Kan Iralrin Taktak Aherh Lai Hih!

Thawngpang

Khrihfa kan caah cun hinak in thawngpang chia hi a um kho hlei ti lai lo. Sertu Pathian sin ah nunbungh in thlacam kan herh ko. Hihi a thei cangmi hna caah cun thawngthar a si ti lailo nain a thei ve rih lomi hna caah kan van ṭialmi a si. Satanic Church cu South Africa ah cozah hnatlaknak le a cozah phungningte in dirh sianh an si cang. Kan hnu February thla ah khan Satanic Church a pakhatnak cu South Africa ah dirh a si cang tiah thanh a si.

Ngaihchia ngaingai a si rihmi pakhat cu hi Satanic cawnpiaknak hna zong duhtawk in mipi sin ah chimphun a si cang lai. Satanic Religious Board hna nih Satanic pawl i an tuahmi le an cawlcanghnak kong ah mipi nih ruahpalh tawnmi tiin heh tiah an ṭhatnak kong cu mipi sin ah phozar hram an thok cang. South Africa, Satanic church i co-founder a simi Riaan Swiegelaar nih hi bantuk in a chim. Phung ningte in biakinn ngeihkhawhnak ding ah hin kum 4 chung bak kan rau. Cu hnu ah hi bantuk in a cozah ah registration kan tuah khawh hi a si tiah a chim.

South Africa Satanism ah hin council minung pasarih an um. Hi minung pasarih hna hi South Africa ah Satanic zumhnak a zum i a zulmi pawl aiawhtu an si. Local radio station ah Riaan Swiegelar nih Satanism keimahte in ka hmuhchuah i ka dirh ah hin rak dirh ciami bu organization a si lo. Cun a ho hmanh aiawhtu an um loh. Keimah te in muihnak chung ah ka hmuhchuahmi a si. Cuticun Satanists hawikom hna he neihniamte in kan i pehtlai hna i unau chuahpi bantuk kan si hna tiah a chim.

Ngaihchiatawk ngaingai a si rihmi pakhat cu South Africa ah Satanic Church tiang in a dirhtu Riaan Swiegelar hi Khrihfa innchungkhar in a rak ṭhangmi a si ti hi a si. Asinain nihin ah cun South Africa ah Satanism philosopher ah ai chuah hi Khrihfami hna caah cun ngaihchiatlo awk a ṭha hrimhrim lomi a si. Social Media hna ah South Africa mipi hna cu an mifimthiam le minthang pawl hi bantuk biaknak ah an kal caah thinphang thlalau ngai in an um hna tiah an chim. Ref:MAIL & TELEGRAPH

Leave a Reply