Khrihfa Ram Hakha Khualipi Ah Hibantuk Thil Atu Tiang A Um Rih Ko Mi Hi Cu Sifak Caah Cun Ngaichiatnak Asi

Chin News

Hibantuk thawngpang kan theih ahhin cun lung anuam hrimhrim lo. Mirum caah zeihmanh khi asi lo kho men nain, cheukhat misifak deuh caah cun ngaichiatnak le mitthli tlanak thil pakhat asi k. Chin ramkulh chungah pakhat te kan ngeihmi Hakha Passport zung nih tuni ah Tedim pa min langhter duh lomi pakhat cu passport tuah man ah 50,000.00 MMK an lak tiah thawng kan theih.

Min langhter duh lomi nih “Passport tuni ah ka va lak tikah, 50,000 an ka lak ko. Receipt ka hal hna zong, receipt kan ngei lo tiah a kan ti” tiah a chim.

Kawlram chungah passport tuah man cu 25,000.00 MMK lawng a dih tiah theih asi __ cu lio ah tuni pa cu 50,000.00 MMK an rak lak.

Passport tuahnak ah a dih ding cu a tanglei bantuk in asi:

Myanmar Economic Bank ca-uk man ah 19,000.00MMK
Online tawlrelnak man ah 1,000.00MMK
Hmanthlak man 2,000.00MMK
Ca-hang men tuktak ah 1,000.00MMK
Zeidang seh-thilri man tete ah 1,000.00MMK

Laknak: Chin Broadcasting Network

Photo:The Chin Journal

Leave a Reply