Khrihfa Mi Le Israel Caah Cun Hinak In Thawngchia Um Ti Lai Lo

World News

Salai Lungthli Tum nih US president thar simi Biden konglam a chimmi cu khrihfa mi hna kan ca le a bikin Israel ram caah cun thinphang taktak peih si ko lai hi? Hi pa liberal policy hi cu tihnung bak ti bak si ko hih teh. A chim bangin a si taktak ahcun Khrihfa le Israel ram ca ahcun hinak thawngchia um ti lai lo.

Biden, Kamala Harris arrive at Capitol for inaugural ceremony

Salai Lungthli Tum: Trump cu US president a si ti lo, Biden nih US rampi a mawng thawk ko cang. Lung cu a tha lo ngai. Nain, Biden hruainak nih Laimi tampi a kan thahnem ve ko lai, abik in ralzam lak, US visa, nupi or pasal, nulepa le unau auhnak a fawi deuh than lai. Khrihfa nunphung le Israel ca belte cun mah pa liberal policy hi cu tihnung ve. President a tuan chung ah chiatnak a chuahpimi nakin thatnak a tuahmi tam deuh hram seh.

Relchih: Tuchun cu US President Donald Trump White House in a chuah le President thim tharmi, Joe Biden Inauguration a dongh tiang ka zoh. Khua a phunphun a ka ruahter. Democracy ahcun ruahnak i khah dih phung a si lo caah kan i khah lonak tete i theihthiam le i ruahthiam a herh zia tampi a kan cawnpiak. Kan duhmi President a chuah caan a um lai i, kan duh lomi President a chuah caan zong a um ve lai. Zei paoh hi an chia dih lo i, zei poah hi an tha dih fawn lo. Minung a simi paoh a tlingmi kan um lo. Asinain kan chiatnak le kan thatnak tu a dan bia a si.

Zei paoh hi Pathian nih a pekmi caan chungah a nung dihmi kan si. Hmailei US rampi zei lam a panh lai kan hngal kho lo, A hngaltu cu Pathian lawnglawng a si. Chiat lei kan panh ah siseh, that lei kan panh ah siseh Pathian timhtuahmi a si tiah lungsak khawh izuam cio hna usih.

Tuchun ka lungah a caam bikmi cu President Donald Trump nih White House in a chuah lai teah, ca pakhat a tial [ note] i President thar Joe Biden cabuai cungah a chiah ta ti a si. Mah cate cu zei ko dah a tial hnga tiah theih ka duh ngaingai. Joe Biden nih a chimnak ahcun ” dawtnak, velngeihnak le zawnruahnak a telmi ca” a si tiah a chim. Reporter nih zeidah si? tiah an hal i, amah ka chonh hmasa lo ahcun ka chim rih lai lo” a sin ah lunglawmhnak chim ding ka ngei” tiah a leh hna.

White House Press Secretary thar Jen Psaki nih tuzan lei ah a voikhatnak Press conference a tuah i, a chimmi zongah zei bantuk ca dah a si tiah reporter nih an hal than i, Jen Psaki nih,” It was both generous and gracious” tiah a chim thiamthiam. Keimah lawng si lon midang zong nih mah cate cu theih le hngalh an rak duh ciomi a si.

President sinak biakamnak a tuah dih hnu ah nizan i ka tialmi phun 17 kha President Executive order hmangh in a chuah colh. President Donald Trump policy phun 17 cu a khupthal a leh dih manh. President thar Joe Biden nih a chimmi cu,” US mipi dihlak caah President ka si lai” tiah a chim bantuk in kan dihlak caah a tha bik in President a tuan khawhnak dingah thlacamnak in bawmh cio hna usih. Cattialtu: Salai Lairamthang

Leave a Reply