Khrih Seihnam I Bei Hna Usih

Sermon

Khrih Seihnam I Bei Hna Usih

Image result for jesuh khrih

Matthai 12:28-30: “Rethei le thilrit mi vialte hna, ka sinah ra tuah u, dinhnak kan pek hna lai. Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai. Ka seihnam cu a bei a nuam i ka thil cu a zaang,” tiah a ti.

Bawipa nih a bia thluachuahnak kan pek piak ko seh! Vawlei cu Sehtan Pennak tang I a um caah nifatin kan nunnak ah ngeihchiatnak le vansannak caan hna an um zungzal tawn. Cucaah mi cheu khat hna cu cu ngeihchiatnak le vansannak kan ti mi hna nih cun an zumhnak kha a zorter i Pathian he an I pehtlaihnak kha a cat theo tawn. Minung tampi nih kan palh tawn mi cu Khrihfa kan si tikah hin kan duhning tein thil hi kal viar sehlaw kan lam hi tluang zungzal seh ti hi kan duh. Asinain cu ti kan lam a tluan khawh nakhnga le kan phurh a zaan khawh nakhnga Khrih seihnam bei cu kan duh lo.

Rawl a tam mi nih khim a duh ahcun rawl kha a ei a herh bantukin sehtan hnahnawhnak le buaibainak chungin chuah a duhmi nihcun teitu Khrih seihnam beinak he thinlung chung thilrit vialte kha thumh dih a herh ve. Mah zawn I thilrit a ti duhmi cu thinlung thilrit hi a si. Cu thilrit vialte chawng khotu cu Khrih lawnglawng a si.

Related image

Kan lungthin thilrit phurh mi a hmu tu cu Khrih a si caah cu kan thilrit vialte a zaan khawh nakhnga a seihnam a si mi nunnemnak le toidornak kha bei a kan fial. Nihin ah mi tampi nih cun kan lungchung thilrit zaan ter nakding ah Nunnem le Doidor cu kan duh lo. Cucaah kan thilrit a zaang kho bal lo. Thla cu kan cam sihmanhsehlaw mi cung ah nunnem in va um le mi toi ah vai I dor cu kan duh lo. Zeitlukin thla na cam zong ah na nun a nem duhlo le nai dortor duhlo ahcun na thilrit cu a zaang bal lai lo.

Kan nun a nem khawhlonak le mi toi ah kan I dor khawhlonak cu mi chambau kan si kan I hngalh lo caah a si. Mi chambau mi palh ka si ti a theimi nih cun mi kha a upat hna I mi doi ah ai dor. Asinain mi palh ka si ti ai theilo mi nih cun mi kha zei ah an rel lo I an nun a hak I mi kha zei ah an rel hna lo. Cu bantuk in midang zei ah a rel lo mi le mi cung ah a cuang mi nih cun Khrih cu zeitikhmanhah an tong bal lai lo I Khrih he ai tonglo mi nih cun nunnemnak le toidornak cu an ngei kho bal lai lo.

Cucaah kan thilrit vialte a zaan khawh nakhnga Bawi Zisuh nih a kan fial bantukin kan thilrit vialte kha Khrih cungah chia hna usih law a seihnam a si mi nunnemnak le doidornak kha I bei hna usih. Bawipa nih kan dihlak caah thluachuahnak kan pek piak ko seh.

Ref: nzwcacc.org

Leave a Reply