Khampat IPRD nih tuni ah Khampat sizung ah rianṭuanmi pakhat kum 27 sinah COVID-19 zawtnak hmuh a si tiah a taar. An hmuhnak hi Khampat khuapi lakah a himnak bik hmun a si. Khampat ummi biatak tein kan iralring a herh cang. Ralring tein um cio hna usih!

COVID-19 positive an hmuhmi pa hi sizung inn leng tibntuk inn thiantu (lam tibantuk a thianmi)a si i mah hi zaan ah rian a ṭuanmi a si. Amah hi a dam lo ning cu hitihin a si. A cumpi, hnapchuak, taksa nuamh loin a um i, COVID-19 antigen (RDT) test in a zawtnak an check tikah Positive a si tiah theih a si.

Atu hi Khampat sizung ah Quarantine in chiah a si i, a rianṭuan ṭimi hawi vialte le amah he naihniam ah a ummi vialte le rianṭuanmi hna umnak pawngah Quarantine in an chiah hna tiah theih a si. I ralrin ngaingai aherh.

A chungkhar hna cu Kanan C’ Group School Quarantine Centre ah Quarantine in an chiah dih hna i zawtnak a ngeimi pa hi Kanan khuami a si tiah theih a si. Khampat ummi i ralrin ngaingai a herh. Leng kan chuah zongah Senitizer le Mask i huh le i ken philh hrimhrim hna hlah usih. Chirhchan: IPRD Khampat

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin