Khampat khua pawngah a ummi Kyun-taw-yi-sin khua ah Maung Chit Oo kum 13 nih kum 3 nute a sualpi tiah khuabawi Pu Pau Dal Mang nih palik sinah a chim i palik sinin thawng kan theih. “Hi konghe pehtlaiin kum 3 nute tlaihhrem case tuah asi i phungning tein kan tawlrel lai. Biaceih zung nih biakhiahnak a tuah ning in hremnak pek a si lai” tiah Khampat khuapi palik zung hotu U Htun Aung Kyaw nih a chim.

December 3 zingah naute a nu cu lo a kal i a fapa pahnih le a fanute cu inn ah a kal taak hna. Cu ti a nu um lo karah cun Maung Chit Oo cu an inn ah a kal i ngakchia nute cu top (ဂ်င္) kan pek lai tiah a lem soiin ti a putter. Cun a u pakhat deuh cu riandang a tuah ter ve i cu lioah cun ngakchia nute cu a rak sualpi.

Hiti bantukin a tuah hi a voikhatnak lawng si loin a voihnihnak a si i a fapa kum 6 mi zong Maung Chit Oo nih a sualpi cang nak ngakchia nute i a nu nih a chim. Ngakchia nute nu nih cun ” ka fale pawl cawmnak caah rianttuannak ah ka kal i ka fale pawl hi ka thlahthlam siang hna lo hi bantuk in thil a can khawh ruangah December 3 chun cu ka fapa 2 hna cu sianginn kaiter loin ka zohkhenh ter hna.

Atu cu ka fanute a taksa cu a hliamhma a tuar (tlek) tikah a nu dirhmun in zeiti hmanh in ka tuar kho lo phungning tein ka rawlrel piak hram ko sawh uh tiah nawlngeitu sinah nawlnak a tuah. Ngakchia nute cu December 4 ah Khampat siizungah kalpi in zohfelnak an tuah. Cun Khampat palik zungah biaceihnak an tuah an tuah tiah Ukma Win nih a chim. FL