Khamhnak A Tlau Kho Lo A Timi Hna Cu Sualnak Tuah A Poilo A Titu An Si

Khrih nih a kan khamhnak cu. A hlau kho khe lo. Sinain. Cu khamhnak khamh cangmi hna nih. Thlau khawh asi. Cucu Baibal fiang tein kan hmuh. Luka 18:25 kalauk ?himka chung i luh nakin. Mirummi Pathian pennak chung luh cu a har deuh suaumau ati.

Hika Baibal cacang kan zoh tikah amah Jesuh kachuak bia bak asi. Pathian kan zumh kan thang?hat kan ti tikah. Zeibantukin dah zumh le biak awk asi timi fiang tein kan hmuh khawh. Khamhnak hi a tlau khawh tilo kan thlau khawh tilo asi ahcun. Amah Jesuh hrimhrim zong nih. Khamhnak thawng?ha hi chim a herh hnga lo i. Nihin zongah. Pastor le thawng?ha chim ah a vakmi hna hi rethei menmen khi asi hnga. Duhfah hakkauh ?hat lonak a phunphun tuah buin van kai aa timmi hna khi khrih lungput le duhning a si hrimhrim lo ti hngalh a hau.

Khamhnak hi. Tlau khawh asi caah. Khrihfa kan si ko bu hin. Pathian cu thang?hat zungzal le biak zungzal a duhnak tuah zungzal a herhnak asi. Luka 19 chungah Zakia le Jesuh an i tonnak kan hmuhmi aum i. Zakia hi. Jesuh he an i ton hlanah. Rak thi sehlaw van a kai bak lai loh ti a fiang taktak. Cucu Jesuh kachuak bia asi. Mi nih. Ziah misualpa Zakia sinah hin. A tlun hnga tiah an i ceih kha a theih tikah. Hitihin a leh hna. A hme 9 Jesuh nih a thawh i. Nihin ah hi inn ah khamhnak a phan. Hi pa zong hi. Abraham tefa asi ve ati.

Zakia hi zumtu kanmah bantuk asi ve ko. Sinain Jesuh he an i ton hlanah a sinah khamhnak a phan lo ti cu fiang tein kan hmuh khawh. Cucaah. Zumtu khrihfa kan sinak menmen hin van kan kai lai ti aa ruahchanmi. Khamhnak a tlau kho lo tiah. Sualnak lam a sialtu hna nih. Van kan kai lai an timi cu a palh cikvek mi zumhnak le ruahchannak asi. Luka 16:

22 Misifakpa cu a thi i vancungmi nih vancung puai tuahnak ah khan an zuanpi i Abraham pawngah khan an òhutter. Mirumpa zong cu a thi ve i an vui.- 23 Mirumpa cu Hell chungah a tla i nganfak ngaiin a um; hika Baibal cacang nih hin. Khamh ciami a tlau khawh thannak fiang pup in a chim. Cateltu nih kan fiang tuk ko lai tiah ka zumh. Khamhnak hi a tlau khawh tilo asi ahcun. Vawleimi vialte hi. van kan kai dih lai i zumtu he zum lotu he van ah kan i tong dih lai.

Zeicahdah sifakpa hi van a kai i mirumpa hi hell a tlak khamhnak hi a tlau khawh tilo asi ahcun. Mirumpa zong hell ah a tla hnga lo i. Sifakpa bang van a kai ve ko hnga. Hika zawnah fiang tein hngalh awk asimi cu. Pathian nih. Vawleimi vialte hi. aa tlukruang tein a kan dawt dih ko.sinain cu a kan dawtnak cu. Sual tuahnak ?hat lonak tuahnak ah hman ahcun hell ah kan tla kho ko timi fiang tein a kan cawn piak.

A donghnak ah. Khamhnak a tlau kho tilo zeibantuk sual ko zongah van kan kai hrimhrim lai timi cawnpiaknak cu.sual tuah zeiah a rel lomi. Sualnak tuah a poi lo ah a chiami an si caah. Zumh sual a fawite i. Pathian zeiah rel lo a fawite. ka chim ngam. Khamhnak a tlau kho lo.tiin sualnak na tuah peng ah cun. Van na kai bak lai lo. Baibal ah.sualnak a tuahmi hna van an kainak deh khatte hmanh aum lo.a dingmi. Pathian duhnak a tuahmi lawnglawng van an kai timi kan hmuh hna. Ref: Lungrawn Par