Vawlei mipi a kan that cuahmahtu novel coronavirus thawhkehnak kong ah mifim pawl le vawlei hruaitu pawl an buai cuahmah lio a si. A fiangmi cu Wuhan khua China in December 2019 ah a chuakmi a si ti lawng a si rih. Hi pulrai zawtnak hi zeitiset in dah ai thokning a si timi kong ah biafiang ngaingai a um kho rih loh ti khawh a si. US le ramdang dang hna nih China ram Wuhan lab in ai thokmi a si ko tiah chim a si. A sinain cu zong cu a si hrimhrim timi fiangte in vawlei mipi theih ah phozarmi a um kho ngaingai rih loh. Hlathlai chap cuahmah lio lawng a si rih.

Hi thil kong ah a chunglei thilcang pawl le zei ruang ah dah US le ramdang dang pawl nih China sual an puh timi video ah hin ngeih khawh a si. Hi zawtnak ai thokka te in mipi sin ah thawngthanhnak zei hmanh a tuahmi a um loh. Zawtnak a um ti a theih le cangka in China ram ah a lutmi sii lei he ai pehtlaimi paoh a tamter. A sinain China ram in a chuakmi tu cu a zorter tiah ABC News nih an chim. WHO sin zong ah theihternak zeihmanh a tuahlo pin ah an hal zong ah thil sining fiangfai in a chim duh hna loh tiah a phunphun in an chim.

A sinain China nih hi bantuk in an puh lio ah hin an chimmi hi a dikmi a si lo. An chimmi a dik timi fianhnak zei hmanh an ngei lo. China nih hi kong he pehtlai in kan tuahawk a simi cu tthate in kan tuah ko ti a si ve. Cu bantuk in thil pahnih karlak ah nihin vawleipi kan um cuahmah lio caan a si.

Hi kong ah a fiangmi tu cu China ram Wuhan khua in hi zawtnak hi ai thok. Papalak pakhat ah hi zawtnak hi hmuhchuah hmasa bik a si ti le cu zawtnak a hmuchuak hmasa biktu doctor zong a nunnak a liam cang ti hi a si. Mirang tthate in a theimi hna nih cun video kan chiahmi hi ttha te in rak ngai uh law hi kong ah thil sining a fiang deuh te in nan theih khawh la. Fiangternak tuah kan duhmi cu a ca kan ttialmi hi cu hi video ah an chimmi silo in ABC News nih nizan ah an rak ttial cangmi deuh kha chirhchan in ttialmi a si. Ref: ALJAZEERA