Tlangcung ngakchia cawnpiaknak: AA le Kawl raalkap ah ho dah doh hmasa a herh?Cheukhat ka fim ve ko tin aa ruah ve mi tamtuk le cawnnak lawng saan tung i ruahti a zawi ve lo mi Khuadawm bantuk a si mi pawl le miphun hruaitu dirhmun le a zik zik ah thut ve ko tung i tuahawk a hngal kho rih lo mi eiheu pawl caah ka tialmi a si.

Thenkhat nih cun an ithawh ve ngelcel i ralkap pawl hi an sual tuk ee , doh ding an si an ti lengmang . Cun phukhat nih an ithawh ve than i AA pawl doh usih law tlangcung mi veve kar ah huatnak a chuak hnga i a dong kho lo mi meici kan kau bantuk a si sual hna an ti.

Thlawmpal cu ka tial cang ko nain ka nolh than lai , nihchuak tuk le ningzak tuk pei nan si hi. Kawl raalkap nih kum (70) renglo a kan pen lio ah hi bantuk tiang in a chuak bal maw , AA um hlaan ah ti ko usih? Nan ihngalter lo maw a si , a hram nan theih lo bia deuh dah? AA doh usih law raal a chuak hnga i tlangcung mi veve kar ah huatnak a chuak sual hnga? tin a ruat mi caah bia kan hal hna lai .

(1)-Na fanu khi nan innthlang hna fapa nih a tuai a tuai hnu, a thlaihhrem tawn caah fa a pawi nain thit duh loin a um tin na theih tik i action lak piak loin maw kan idawtnak a ziam kho si innpa te cu tin na daih piak peng ko lai maw, na fanu a pawpi cu zoh in aamen na pek hnu ah na ni salam kho hnga maw?
Minung thinlung tak na ngeih ve cun a thlaihhrem hlan le fa a raih hlaan a tuai lio na hmuh khan nektuai in a tuai cun hmailei thil chuak ding theih zawkzawk in action fak pin na lak colh ding a si. Action na lak piak lo cun a zual chin lai i a thlaihhrem te ko lai nu le pa um ti nana cu ti tal cu na theih ko lai.

(2)- Laimi cu puai tik ah buai kan hmang tawn i cucu he cun tahchun usih mu; Puai pakhat buainak i aa tel ve mi pakhat pa kha nan inn ah rak ithup seh! A dang amah he aa thua mi pawl nih nan inn ah aa thup tin an theih caah nan inn kha lung le thing le hriam in rak deng chih hna seh! Nan innchung i aa thup mi mi. Credit: Zing Tin Cuai