Zasang Cinzah nih Myanmar Idol kong a ttialmi hi ruah phu taktak a si. Tha tein ruah ahcun ahman ngaimi a si. Myanmar Idol theng si zong si loin kawlram pi hlasakthiam zuamnak kan chim miphun chungin teinak a hmutu mi an um ve ko nain Myanmar Idol bantukin mipi a hip hna lo.

Cun Myanmar Idol bantukin mipi kan puai lo i mipi kan lungtho lo. David lai zong nih Einmat Soneya hlasak zuamnak teinak a hmuh ko nain tutan Myanmar Idol bantukin an sunhsak hna lo i mipi nih an dawng hna lo. Asinain tutan Myanmar Idol cu mipi kan buai ngaingai. Mipi caihphai zong a tong ngaingai. Zangsang Cinzah nih a ttialmi a tangah kan chiah rel khawh a si.

2019 Myanmar “Idol” zuamnak nih kan Chin miphun a kan denning cu a mak bak ko. “Idol” timi biafang ruang ah kan rit khunnak hna a si hnga maw tbk tiang ruahsual a fawite. Zeicatiah, atu MMID S4 hlan ahhin, “Melody World” tiah Kawlram pumpi hlasak zuamnak ah Van Dawt Cin nih second Prize a rak lak bal nain hi tluk in kan ri lo.

A von ipehmi ah “Einmat Soneya” tiah Kawlram pumpi hlasak zuamnak thiam ah David Lai nih pakhatnak/ 1st Prize a rak hmuh. Cun, a kum dang ah Jenevi Sui nih Second Prize a rak hmu rih. Asinain tutan MMID tluk in kan ri lo. Melody World le Einmat Soneya cu, beer le wine luklak rit tluk hmanh in kan ri lo nain, tutan MMID s4 cu OB ti cawhlo rit bak in kan ri. Cei taktak in a kan den. Tuhi MMID a dih i a um a har pahmi kan tawr men lai dah ka ti. Ruatsetmat ahcun thil mak pakhat cu a si ve.Credit: Zasang Cinzah

Note: Hmanthlak kan chiahmi hi phundang in kan ruah hlah uh! Atu lio myanmar ai zuammi an si caah kan vun tarnak hna cu an si.