Chief Minister Pu Lian Luai: Minister Pu Soe Htet a tlau ti mi thawng hi a dik lo mi a si. “Atu lio Chin media cheukhat nih Minister Pu Soe Htet a tlau ti in an thanh i a thang mi hi thawng dik lo a si. Atu naite (January 7 chun ah amah Pu Soe Htet nih a zung riantuantu a naule zong a van chawnh hna i zung rian zong a van tlaangtlak ko hna, zunglei he kan i pehtlai ko,” tiah Chief Minister Pu Lian Luai nih January 7 chun The Hakha Post he tonnak ah a chim.

Hi kong he pehtlai in Chief Minister Lian Luai nih “Rian in khual an tlawnnak hi Tedim peng Mizoram ramri kam phone signal a that lonak hrawng an um lio a si i pehtlaih khawh lo caan a umpah ca ah a si. Lungre theih ding a si lo,” tiah a chimchap.

Hi Minister Pu Soe Htet a tlau ti thawng hi Chin World nih a thanh nain thawng fiang lo a si ca ah tuanvo ngeitu nih an hlohter hna i an hloh than tiah tuanvo ngeitu sin in kan theih. Credit: The Hakha Post