Khah! Vawleipi Ngandamnak Zung Nih Coronavirus Zawtnak Minthar An Pek A Ṭih A Nung Chin Lengmang
COVID-19 Update: Coronavirus zawtnak ṭihnung cu “Pandemic” timi a vawlei cungpi ah akharmi zawtnak phun a si tiah phuan a si. “Pandemic” timi sullam cu a tawi fiannak in cun ṭihnung taktakmi minung ṭihnungmi a karh khomi zawtnak phun ti khi a si. “Nifatin a si khawh chungin hi zawtnak hrik a karh chin lengmangmi karh lo dingah ṭan lakdingin vawlei cung ramkip hna sinah thawng kan rak thanh” tiah WHO chief, Tedros Adhanom Ghebreyesus nih tuchun March 11 press conference ah a chim.
Cu lawng si loin, “Pandemic” tiah theihmi zawtnakvawlei cungpi ah akarh khomi le i chawnh khawhmi asi tiah Coronvirus zawtnak phuan a si. Atu difhmun ah Iran le Italy cu Tuluk (China) hnu i COVID-19 a karh tambiknak ram an si. Dr. Mike Ryan, the WHO’s emergencies chief nih cun“Hi ram ramhnih (2) an tuar bantukin ram dang pawl zong caan raulo te ah kan si dih lai” tiah a chim.
Atu dirhmun ah vawleipi huapin minung 121,000 nak tam nih hi zawtnak hi an ngeih i, minung 4,300 an thi cang. Asinan mi tampi a dammi an um ve. Cuti i a dam ṭhanmi hna cu zawtnak akarh tuk hlan le a zual hma tuk hlanah an thlopbul manh hna ruangah a si i, zarhhnih chungah an dam manh ti asi. Asinan zawtnak angeih caan a sau deuh cangmi pawl cu zarh thum in zarh 6 chungah an dam tiin World Health Organization a chim ve.
Italy acozah nih 25 billion euros (nearly $28 billion) hi zawtnak caah hman ding ah le mipi harsa pawl caah ah tangka man ding zong a timhcia (ready) a si cang. USA acozah zong President Trump nih mipi an harsat tuk lo dingah tax an cut mi pawl cu cut rih lo dingin nizan March 10 ah press conference ah chimnak a ngeih. COVID-19 caah billion $8.3 hman dingin USA nih a pass ve cang.
Italy, Korea, Japan le Iran ram cu sianginn, zung9 office), a buu in umnak le biakinn pawl tampi an khar cang. Anthony S. Fauci, M.D., NIAID Director (USA) nih cun American mipi zong asi khawh chungin tuah ding timi le tuahlo ding timi pawl hnatlakpi dingin chimnak a ngeih. Hi zawtnak ruangah, thla 3 hmanh atlin hlanah ramkip chawlehnak (Economy) lam a tla taktak manh ti a si. Source: Associated Press.