Khah Van Zoh Cio Tuah U, Van Hlei Sung Hi A Rak Men Hrim Lo

Tutan Malaysia CNF concert ah sawmmi hlasak thiam Van Hlei Sung style cu aa phun dang ngaingai. Voidang nak hmanh in tutan hi a dawh in aa rem khun ti awk in a um.

Mui le dawh, awzai lei zongah micung cuang bak si fawn. uar lo awk hrim a rak ttha hrim lo. A hmanthlak thar a rak tar mi cheukhat van zoh ve law na fiang ko lai. Hmanthlak-Credit: Van Hlei Sung

Note: Cheukhat nih cun hi bantuk te te kan tarmi hi a herh lo tiah nan ti khawh men. Asinain cawisan awktlak simi cu kan cawisan hna in thazaang kan pek ve hna awk a si.

Hlawhhlaang Rian A Tuannak Le A Harsatnak Tuanbia Hi Rel Ve Hmanh. Zaangfak Taktak A Rak Si:

Kum hleiriat (18) ka tlin ah ka nunnak le sining a lettiling ah an cang dih cikcek. High School ka dih manh hlanah ka pa nih a kan thih tak i, kan chungkhar pi in a cim dih. Inn ngei lo ah kan cang, tangka kan ngei lo, ngeihchia le lungkuai in kan chungkhar cu ka pa nih a kan chiah tak.

Kan sifah le kan harsat cang ahcun zeidah kan caah a tha bik lai timi khua lawng kan cuan. Tlangval pakhat ka ton i, mi tha ngai a si. Duhnung ngai zong a si i, zawnruahnak a ngei ngaimi zong a si. Zeizong vialte hi a ka kamh dih i, amah hi pei ka tlangval ding taktak cu a si hi ka ti i, ka hnangam tuk. Kan thit lai a ka ti i, zungzal in dawtu le bawmtu ka ngei cang tiah kaa ruah. Kan harsatnak le sining vialte a kan theih dih. Kan i ton kaa in bawmh ding in timh cia peng in a um. Al awk zong a tha lo. Hi bantuk minung hi an um ti lai maw ti awk in kan chungkhar caah a tha. Cuticun ka vat i, kan um.

Asinain a rak ka hlen diam! Minung fir hmang le hlawhhlang riantuantu a rak si. Ni khat cu a ka thawh i, ‘ka nunnak kan pek bantukin nang zong ka caah na nunnak naa pe ve lai. Tangka leiah ka chambau cang i hlawhhlang rian na tuan lai’ a ka ti. Al awk a tha ti lo i, cuticun hlawhhlang rian cu ka tuan.

Hmun kip le kaa kip ahcun a kan hruai i nu a runrun in a remnak le minung tamnak kip ah a kan phozar i hlawhlang rian cu a kan tuanter cang. Neli Delgado nih a chimmi cu ‘thla khat chungah zan fatin in voi 30 in voi 40 karlak minung nih sex a kan tuah pi. Kan nun a har ning le kan tem ning hi chim awk a tha lo. Kan zam kho fawn lo. Kan al kho fawn lo. Minung fir hmang le hlawhhlang riantuantu hna sin khuasak le um a har ning hi chim cawk ding a si lo a ti. Keimah lawng har tong ka si lo. Ka hawile nu an tampi hna. Firmi le hlenmi lawng te an si hna. Vanthat ah police nih an riantuannak an theih hna i an tlaih hna. Mah hnu cun an luat i a pasal cu an tlaih.

Kum hleili (14) chung thongthlak ding a si. Atu cun Mexico ah restaurant dawr a ngei cang. Ka luat cang. Ka duhmi paoh ka tuah kho cang. A hlanah cun ka rak luat lo. Ahlanah cun a mi kip sinah a ka zuar i an duh ning paoh in an ka tuah, asinain keimah nawl in ka nung cang. Ahohmanh nih ukmi ka si ti lo a ti.

Minung fir hmang dohnak campaign ah fak piin rian zong a tuan cang. ‘Ka si a rak fah ruangah thleidan le namneh ka rak tong. Nu hna caah rian ka tuan cang lai a ti. France khua Paris zong ah a phan cang. Pope Francis he zong an i tong i kuttlaihnak le biaruahnak an ngei. A tuanbia zong a ruah. A nunnak aa thleng cikcek than cang. Ref: CNN