DUI-DWI ruangah Kawlram ah kuat khawh asi ma? Khua dangin pakhat pa nih phone a rak ka chawnh. DUI ka ngah i, atulio ahcun Kawlram ah an in kuat khawh ti-ah an ka ti. Mah cu a dik ma tiah a vun ka hal. Mi fanau pa lungrethei ngai in an rak chiah.

DUI voi zeizat dah na ngah tiah ka hal. Voikhat lawng ka ngah a ti. Zeihmanh na lungrethei hlah na thinphang hlah. DUI voikhat-hnih ngahnak ruangah Kawlram ah kuat khawh asi lo, kuat phung zong asi lo. Cucu kuat tlaak sualnak “deportable crime-offense” asi lo. Amahbelte phungninglo “illegal” in US ah a rak lutmi le a ummi cu voikhat te DUI ngah zongah kuat khawh colh asi.

Hmailei belte cu ngah hrimhrim ti hlah. Zuu, beer le wine na din lio ahcun motor mawngh i timh cu chim lo, na motor kha a zoh hrimhrim hmanh va zoh hlah tiah ka hei cawnpiak lawlaw beh. Chim duhmi cu Laimi hi kan theih lomi zong mah ruahnak in chim kan hmang tuk. Thil sawhsawh te kan timi khi midang caah lungrawh ralnak a chuah ter kho. Theih lomi cu ka thei lo tiah chim kha a ttha bikmi asi. Salai Van D Ceu. Note: A thlahnak in a saupah cang nain ralrinnak dingah a thar in rak share tthanmi asi.

Relchih: A ra lai mi October thla thawk in Hakha NLD Party upa pawl nih Hakha Peng khuakip an tlawn hna lai. Chin Ramkulh Hakha NLD Party upa hna nih Hakha Peng khua kip ah mipi tlawnkainak le mipi he tonnak an tuah lai tiah January 20 Party tonpumhnak ah an thanh.

Hakha Peng khua kip tlawnnak cu October a zarh khatnak in an thawk lai i khua a tam pah caah a phuphu in an then hna i phu nga ah an then. Hi Hakha peng mipi tlawnnak le ton biaruahnak ah Khuakip ah Party signbaord zong an tar chih lai. an i tinh bik mi cu 2019-2020 kum Cozah nih khuate lei thanchonak, lamsull, fimcawnnak sianginn le dinti ti bantuk a tuan cia mi, a tuan lio mi le a tuan lai mi pawl zong fianternak zong an tuah chih lai. Credit: The Voice of Democracy