US Cozahpi nih cun vulei cung ramkip a buaitertu Covid-19 zawtnak hi China ram Wuhan khuapi Laboratory in a rak chuakmi le athawkmi a si maw ti cu tha tein hlathlainak kan tuah lai tiah US President Trump nih cun a chim. Hihi an hlathlai taktak ko ahcun vuleipi caah zongah a ṭha ngaingai ding a si.

Covid-19 aa thawknak taktak hi atu tiang fiang hlang tein theih a si rih lo. Trump nih cun nithumni ahkhan White House i Rose Garden ah Coronavirus task force hna sinah biacahnak a tuah hna. Cu ka ah cun thawngzamhtu (Media) lei nih biahalnak an tuahmi let hna in, hi virus zawtnak ṭihnung hi US nih zeitindah a thawkning a si timi hathlainak a thawk lai tiah a chim.

US sectary of state Mike Pompeo le China centrl foreign affairs commission office director Yang Jiechi hna cu phone in an ichawnhnak an ngeihnak ah Pompeo nih cun, “hi hnu hmailei caan zongah i ven thiamnak an theih khawhnak hnga China cu coronavirus kongah biadik an theihmi cu phozar dingin US state Department nih cun nawl a chuah.

Mike Pompeo nih a chimmi cu “kan theih dih cio bantukin hi zawtnak a tlung cuahmahmi hi China ram Wuhan khuapiin a thawkmi a si i hi Covid-19 zawtnak kong he pehtlai in fiangfai tein a dik le a hmanning tein China Cozah hi a phuan a herh,” tiah a chim. US le China hna cu hi zawtnak hrik kawlnak lam ah zeitindah kan ibawmhning a si lai timi iceih ṭi dingin kan i tong zau lai tiah China centrl foreign affairs commission office director Yang Jiechi nih Pompeo cu a chimh.