Khah! U.S Um Chin Mi Nih Raltin Taktak Kan Herh Cang

Chin News

By Al Bik Lian Zathang: Ralrin Ngai Kan Hau II. Covid rai hi a langpatlang in kan raktheih ka ahcun capo phunin a chim mi zong kan um. Covid- 19 nih US ram a den tak hlan te ahkhan Khual a tlawngmi zong nan kut kan tlai ngam hna lai lo tiah Feb 26 ah ka rak tial cawlh. Ruah lopin a zual ciammam i Biakinn ah kut thlaih khawh si ti lai lo an van ti ko. Tlawmpal a ruah hlanah kan ruahphak lo mi Biakinn khar tiang kan tong. Sianginn khar kan tong rih.

Dr. Hai Vung Lian: 2050 Ah USA Laimi Zeizat?

Atu lio hi a zual than chin lengmang ruangah nikhat ah 2000 khan in a thimi karh khawh si tiah an chim. Nihinni tiangahcun cases “11,650,817 ” lakah “251,715” tiang bak a thimi an phan cang. A luancia nisarih chung te bak ah Cases thar “1,141,950” a phan i cu chungah “9,499” an nunnak a liam.Ralrin taktak kan hau.

Kan pawngkam mi le theihhgalh mi nih an van tawn tak ahcun Covid hi tih a nung ko. Kan nunnak lak awkah hmuh khawh tung loin tih a nung ngaimi Rai cu kan pawnkam te ah ai chawk cuahmah ko. Cikhat caan karlak ca te long asi lo. Hihnu kumkhat chung a rau rih kho caah hi caan chung karah zei kan tawn cio lai ti mi hi chimkhawh asi lo. Ralring tein um ko hna uhsih. Bawipa nih kan nunnak kan veng cio hram ko seh.

Relchih: Thantlang Hakha ah hibantuk thil acan hi cu apoi ngaingai ko. Laimi cio kan si hna i, pakhat le pakhat karlak ah hibantuk thil hi cu tuah ding hrimhrim asi lo. Tutan thilcang konghe pehtlaiin thilsining a vun phuanmi cu ngeihchia ngaingai a si ko. Hi konghe pehtlaiin Saya Van Lawmh Cung nih thil sining vialte a langhter dih.

Saya Van Lawmh Cung nih a chimmi cu naite i kan cawkmi Facang tun asi. Hihi Thantlang le Hakha ah an zuar tawn lengmang ning sidawh asi. Ruah lung afak ko. Facang rawnnak buri akhatnak dingah khapkhat nak tam deuh a duh. Facang tukhat chungah pii 5 bak ai leek atlau. Facang pawngin kan tah i, pawng 150 lawng a um.

Facang tu a hmanmi le adik mi ah hin cun facang tunkhat ah hin pawng 180 a um awk asi. Kan tuahsernak nih mei zeidah kan si timi alanghter ko mu. Laimi Khrihfa nh dinfelnak nak in tangka kan duh deuh. Bible le Laimi Khrihfa cu kan i kalh bak. Pathian cu kan zumh, Bible cu kan zumhnak hrampi asinain kan nunning le bible cawnpiaknak cu aa dang.

Phungthlukbia 22:1 Min that maw chawva tampi dah naa thim lai, ti na si ahcun minthat kha vaa thim deuh. Laimi Khrihfa tampi cu chawva tu kan i thim, Pathian tu nih kan ngaithiam hram ko seh. Tiah alanghter. Tutan thil a cangmi hi a deu sawhsawh le ahman lomi thil asi lo. Ataktak mi thil asi. Pumpak pakhat cio zong nih lungfimnak ah hmang hram hna usih.

Leave a Reply