Khah Tuzan Benjamin Sum Le Esther Hlasak Ning cu Khuaruahhar Khi Si Ko, Khah tutan Benjamin Sum hlasak cu khuaruahhar bak si ko. Tuzan Myanmar Idol Season 4 top 10 hlasak zuamnak cu ngaih cim lo bak khi an si ko. Midang kong cu kan chim lai lo. Chinmi chungin Yaw Kee, Esther Dawt Chin Sung le Benjamin cum hlasak ning cu uar ol awk hrim an ttha lo.

Anmah pathum chung hmanh ah Esther Dawt Chin Sung le Benjamin Sum hlasak ning cu khuaruahhar bakin an thiam, Mah lawng hmanh si loin Benjamin Sum hlasak cu a ngaitu le a zahtu mipi cu chim lo, mark tepu Judegs pawl hna thinlung hrimhrim a hip kho tuk.

An pathum ning tein lawmhpi lo awk hrim an ttha lo, thaizing zongah an pathum ning tein teinak an hmuh i, an caan tang rihmi chungah mipi nih dawtnak he thazaang pe cio rih ko hna usih. Kum dang zongah Myanmar Idol hlasak zuamnak ah kan Chinmi/ Laimi chungin aa zuam mi an um peng ko nain tuzan tluk in mipi thinlung a la kho le a hip kho tu minung an um rih lo.

Benjamin Sum siseh Esther Dawt Chin Sung le Yaw Kee zong an caan tang mi chungah mipi nih vote le thazaang pek i zuam in teinak an hmuh khawh tiang dirkamh rih ko hna usih. Mitlang pa le Kawl pa ttenh le vote va peknak cun kanmah le mah trhazaang pek le dirkamh tu hi thazaang pe cio ko hna usih. Nanmah pathum in nan cawlcanghnak chungah kan in lawmhpi in kan in zoh thlatuk hna. Bawipa nih um piin nan caan tangmi chungah lam in hruai ko hna seh. Ref: LTT