Tuzaan Myanmar Idol Season 4 December 5 zaan ah Top 6 zuamnak an thok tthan cang i, tuzaan kan far nu Esther hlasak cu a turu bak ko. Judges pawl hrimhrim nih an uar kho taktak. A tthancho chin lengmang i athiam chin lengmang cang. Tuzaan cu zaan dang nak hmanh in a thiam hlei khun.

Tuzaan cu Suang Oo nih a phuahmi “Sway” timi hla a sak i Judges pawl le mipi a lau lakin a tuah hna. Esther hi a hramthok tein hla a sak ah i biatak nak a ngei i amah hrimhrim hi a hlabia a um a cam i mipi nih an uar khunnak zong asi. Judge Ko Latt nih cun dir in kut benghnak bakin thazaang a pek.

Judge Phyo Phyo Kyaw Theih nih a chimmi vemi cu” Esther na hlasak a ttha tuk. A ttha ka ti khunnak zawnte cu na aw na vun kainak zawn kha asi . Nangmah sinak tein tluang tein na sak dih i a hla ah na um, na lungthin pek i zarhkhat hnu zarhkhat in a lang chin lengmang. Tuzarh zongah na sakmi ka diriam tuk i, Vote zong tampi na hmuhnak lai duhsaknak kan pek, ” tiah a chim ve.

Judge Ko Latt nih a chim ve tthanmi cu ” Esther, thluachuakmi na si, khuaruahhar taktak na si. Na aw a kainak zawn kha ka chim duh bikmi as i i hlaphuahtu zong a diriam in a lawm tuk ve lai. O My God ti ding tlak in na sak khawh i na thiam” tiah a chim ve.

Judge Tin Zar Maw nih cun ” Tuzaan cu a zuamtu pawl zong nan thiam dih ve bangin Music zumtu pawl zong an ttha ngaingai hna. Esther nangmah hirmhrim ah na aw duh nunnung khunmi a um i a cawn in cawn khawhmi asi lo. Hla na sak tikah sullam ngei taktak in na sak i a zuam zong na zuam. Hla na sak ah a hla na um i a ngaitu mipi phundang piin theihnak na pek hna. Kan hnu leiah voikhat na sak sual i tutan zongah a thoknak leiah voikhatte na sak sual. A dang cu a ttha dih ko” tiah chimnak a ngeih ve.