By Salai Lairamthang: General Michael Flynn nih President Donald Trump cu martial law chuah i, Joe Biden he an i phomhnak swing state timi battle ground state poah ah a thar in thimnak tuah dingah ruahnak a pek. Newsmax nih General Michael Flynn interview an tuahmi ah “President Trump nih rianrang tein martial law chuah sehlaw battle ground i vote thlaknak seh, voting machine vialte la dih hna seh, ralkap nih white house le Federal zung vialte cong dih hna sehlaw Joe Biden lut kho lo ding in tuah hna seh, mah hnu ah battle ground state poah ah a thar in thimnak tuah seh” tiah ruahnak a pekmi cu interview ah a chim.

Democrats nih Governor an tuannak le Major an tuannak hmun cheukhat ah hin vote firnak le hrokhrawlnak tampi a um tiah an zumh. Inn cio ah vote an kuat hna, aho nih thimfung a thlak timi hngalh khawh a si lo. Chek khawh zong a si fawn lo. Citizen a si lomi zong nih rak thlak khawh a si, micheu inn ahcun cabawm in vote voi hnih le voithum tiang an kuatmi hna zong a um. Mi thi cia min in vote kuatmi cabawm zong a um ti a si. Vote thlanak seh hrimhrim hi a hlan tein Joe Biden caah software rak tuah hna sehlaw a dawh tiah an chim.

Relchih. Lawmhnak Biatawi: Kei hi milak biachim ka thiam lomi ka si. Laiholh hmanh hi thathi kathiam lo, zophei holh le lautu holhzong kathiam dih lo, cucu ka si. Mirangholh zong kathiam fawnlo. Kai lawmhnak tawite in tial ka duh. Nai hrawng cu USA election lio a si caah , catialthiam le thil tikhodeuh nih Joe Biden an tanh I midang catial ciami a relmi kan tampi. Cutikah kan ruahlo le a silo ningpi an tial lengmang tikah kei catial le live in ka hawile sinah thil sining tak ka chimve ka chunmang le ka zanmang tiang ka hmuhmi dihlak raltha taktak in ka chimve.

Culakah ka hawi le a ngaitu micheukhat nih ca nan ka kuat phone in na ka chawnh. Comments in thazang nan ka pek kai lawm taktak khi a si. Culakah tutan kai lawmhnak chim ka duhmi cu , damlo in inn Khan chung le siizung a ummi hna nih na livestream na biachim mi kantheih kan hmuh cun na catialmi kan rel tikah kan chungah lawmhnak in a khat nan ka ti.

Cun thinlung in kan tanhmi na tanhve I a sining kanni fian lomi tete na sikhawhtawk na kan hrawmh kan umnak hmun le kan ihnak hmun in na hmurka ngeih kan cim lo, na catial lai le na biachim lai kan ni hngahhlang timi bia ka theih tikah hin , keimah santlailo hna biachim mi a damlomi hna sinah rian a vatuan cu Bawipa min thangthat siko seh ka ti.

Kha kan umnak hmun cioah Bawipa nih kan umpi cio ko seh. Adam lomi damnak tling rak hmu hram u. Cun lailei a ummi zong nan vun ka chawnh riangmang kai lawm. Pastor tiang nih ka cungah lawmhnak bia nan chim ka hmuh tikah Bawipa min thangthat siko seh. Kahawi le le reltu nan dihlak Merry Christmas lawmhnak daihnak nan cungah um cio ko seh.

Hi vial in kailawmhnak ca. Trump nih teinak 100%100% a hmuh lai. Cutikah Bawipa.kan lawmh lai. Sunparnak Pathian kan pek hna lai. Tlanghna khi ka hei cuanh hna I, khuazei indah bawmhnak cu ka hmuh lai ka ti, bawmhnak cu Bawipa sinin a ra lai , van le vulei sertu Bawi sin in. Like, comments le share petu dihlak nan cungah lawmhnak chim cawklo ka ngei. Joseph Thawng Z Ting