Khah! Trump Impeachment Kongah Biden A Thinphang Cang

World News

President Biden Trump kongah a thinphang cang: U.S. President Biden nih Donald Trump an dohdalnak le a voihnihnak impeachment an tuah mi cu a hlawhtling lai tiah a zum lo i, Trump hi president a rak ttuan nak in thla 6 hrawng khi rak sisehklaw cu impeach hi an tuah khawh hnga tiah CNN sinah a chim..

US election wrap, October 27: Contest looks tighter in battleground states;  Trump, Biden focus on Pennsylvania | World News,The Indian Express

Asinain atu ahcun impeachment an tuahmi a hlawhtlin le hlawhtling lo kongah si loin impeachment an tuahmi hi a herh hrim ko tiah a chim. U.S. tuania ah president voihnih tiang impeach a tongmi cu Trump lawng a si i, president a ttuan ti lo hnu, zaran minung sinak men bantuk a simi Trump hi impeach khawh a si le silo theih fiang ngaingai si lo.

U.S president hlun Donald Trump hi Senate nih an impeach khawhnak ding ahcun Republican Senators minung 17 nih Democrat lei ah biatak tein an dirpi hnu lawngah impeach hi a hlawhtling ding a si. Atu an dirmun ning ahcun Trump impeach nak kongah Democratic lei nih teinak an hmuh ding hi cu a har ngaigai mi thil pakhat a si.

Unable to land hits on Biden, Trump paints him as socialist Trojan horse

Relchih: Senate Nih Donald Trump Tazacuai Hram An Thawk: President Donald Trump cu Senate ah tazacuai ding in House Democrats nih impeachment an tuahnak The Article of Impeachment for Incitement of Insurrection cu impeachment a tuahtu, House democrats hna aiawhtu, Managers hna nih tu zanlei ah Senate ah an rak chuahpi.

US phunghrampi ning ahcun Senate nih President taza an cuai ahcun US Supreme Court Chief Justice hruainak in tuah phung a si. Asinain President Donald Trump cu a term zong a dih cang I, President sinak in a ngol cang caah Supreme Court Chief justice John Robert hruainak si loin Senate President Pro Tempore Senator Patrick Leahy hruainak in tuah a si lai.

Tazacuaitu Democrats aiawhtu hna nih President Trump nih Capitol Hill ah buainak chuakpi nak kong tette an ngeihmi vialte cu Senate ah an phuan lai. Mah hnu ah Trump sihni hna nih an a sual lonak an chim ve lai. Mah hnu ah Senate ah debate an tuah te lai I, Senate minung 100 nih President Trump a sual le sual lo cu bia an chah lai. Senator minung 100 chungah cheu thum cheu hnih vote nak lawng in a sual tiah dantatnak pek khawh a si.

Senate ah Democrat le Republican cu vote 50 veve an ngei. Senate i cheu thum cheu hnih vote lawng in Trump cu sual dantatnak pek khawh a si. Republican minung 17 nih democrats lei I an ttan lawngah President Donald Trump cu sual dantatnak an pek kawh lai. Thong thlak cu a um lai lo, asinain President hlun hna nih an co dingmi benefit vialte cu chuh dih a si lai. Cun hmailei President thimnak ah cuhnak nawl an pe ti lai lo. Asinain Democrats tazacuai mi hi an hlawhtlin lai zumh a um lo. Salai Lairamthang

Leave a Reply