Tlangcung mi konglam aatel lomi Tulio Kawl Cozah Upadi remhnak. 45 committee Upadi remhchun tu nih Hlutdaw ah chuahpi an timh mi Upadi konglam 3675 ah Tlangcung mi nih ramkhelh hnawh chan mi aatel lo. Tlangcung party hna i tel ve aherh nak lamhruaitu si hram seh. Naakap le Khing kahphun in Tulio cozah nih Upadi remhnak ah Tlangcung mi cu ankan tuahto tiah Daw Nan Moe, Ta-ang Palong Amyotha Party, Pyithu Hlutdaw, Mandung Myone nih a chim.

45 committee zong ah Tlangcung mi le Kawl party hna minung zat i tlukruan nak um bak loin “Anmah kawl miphun duhning lawng in kal pi kha an theih ko raw raw nain” kutthlir le vote in biachah an timh caah Tlangcungmi caah santlai tthathnem mi le eibar chuak mi upadi asi khawh lai lo. Hi bantuk Upadi remh nak nih hin Miphun hna karlak ah i remh than nak lam ah an kan hruai khawh lai lo btkin PEACE timi remdeih nak zong a um khawh ti lai lo.

Tulio Cozah nih Remdeih nak hi biatak tein tuahtuan le i hmaithlak a duh ahcun Tlangcung mi hna duh mi, kum 72 leng hal cangmi le Hriamnam tiang tlaih in ramkhelh mi Federal Democracy kong hi usa pekin Upadi remh ding tu asi deuh. Nain Federal kong le Tlangcung mi Tinvo-Covo kong le Tlangcung mi caah Amakhan mi Upadi hna kong lam pelte hmanh aum tilo.

Ralkap le USDP nihcun Tlangcung mi Federal Democracy tlintertu Upadi hna kha remh ding in an hna tla ve ko. Mipi cozah asi mi NLD tu nih hnuchit diam in Democracy sawh sawh lei ah kalpi tu Upadi hna lawng remh an duh. Vawlei cung khuaruah har thil cazin ah aatel ve mi asi. Tlangcung mi hna kong lam usa pek in Upadi remh lo nak aphi cu: Kawlram ah Ral daih ti le Dindeih nak aum khawh ti bal lai lo. Ral i tuk le i thah nak a um zungzal lai le NCA zong alam thluan hlah seh ti ko a lawh ngai fawn.

Democracy sawh sawh lei panh in remhding mi Upadi cu Ralkap he hlutdaw chung ah an i zuang hnawh lo lawng asi hoi. Ralchanh le ralkah in Ralkap le NLD cozah an si mi nih hin Upadi remh a har chin chin lai ti nak asi. Ralkap le NLD Anna i zuam cawh mi tu alawh dueh. Upadi remh mi le Agenda timi Biatung ceihkhan he aa lawh bak lo. 2020 thimhnak hlan ah Upadi remh an i timh mi cu Federal aherh lo mi kawlram miphun covo le biaknak kilkam tu lwang asi hnga i Tlangcung mi caah cun Voihnih thum thih kan hluan ve cang lai.

Cucaah hmai lei thimh nak ah Tlangcung mi pi hna nih Tlangcung mi party dirhkam in, chanchuah lawng ah, Federal Ukphung, Tinvo, Covo, le kan sung cia mi hna, lak tthan awk ah, a hlutchuak kho ding kansi. Kawl party le kawl policy tang ah um bu in le cawlcang buin, Federal le adang Tlangcung mi kong lam hna, ceihkhan le Upadi ser aum khawh lai lo caah asi, a ruang bik cu. Saya Rung Kaw