Khah! Thawngpang Dik Lo Kongah Dr.Pari Nih Fiang Cikcek In Fianternak A Tuah-Video Zoh Khawh Asi
COVID-19 kong ahhin biachokvai tampi a um i, cucu ei law attha cu nih cun Coronavirus hrik a thah khawh tibantuk biachokvai tete a um. Ahmaanmi a si maw, silo ? ti ahcun ahmaanmi a si lo tiah Delhi Laimi kan ibochan ngaingaimi Dr. Lalthanpari nih fiang taktak in a fianternak a hun tuah.
Laimi tampi cu mah nih kherhhlainak tuah ve hmasa loin mi chimmi kan i zumh fawi tukmi hi a poi. Ca kan rel lo tikah thil sining kan thei tawn lo i kanmah duh poh in kan um hna. Atu lio ah Social Media ah a hunglar ngaimi cu Covid-19 (Coronavirus) cu khachuan raang nih a damh khawh timi thawngpang a hung thang ngaingai. Cu kong he pehtlaiin Dr. Pari nih biachokvai sawhsawh a si tiah fianternak a tuah. Video timi hi rak hmet law zoh khawh a si.
COVID 19 I VENNAK CAAH KHRIHFA BU KIP NIH TUAH DING. PUMHNAK (BIAKINN or INN or HALL). 1. Pumhnak inn ah kut ttawlnak (alcohol based hand santiser –60% alcohol) luhnak innka ah zapi caah chiah ding le aa pummi poah kut tawl cio ding ah forh ding. 2. Kut tlaih le i kuhnak hrial deuh ding or anmah permission halta hnu lawng ah tuah ding. 3. Zapi hman khawh ding tissue chiah piak ding 4. Aa pummi hna nih an tonghmi innka, cabuai or zapi tawngh thammi paoh thiang tein ttawl lengmang ding.
5. Caankel pumhnak a si lomi special event — concert or big gathering hrial ding. 7. Bawipa zaanriah hrai hrawm in hman lo ding. 8. Zapi hmanti mi rawl, pakan, hrai, tibantuk hrial ding. 9. A dam lomi or aa pum kho lomi caah live thlahpiak i zuam ding. 10. Khrihfa bu kip nih emergency operational plan timh cia tein ngeih ding le COVID 19 in a zawmi an um sual ah bawmhchanhnak plan i ngeih cia ding.
CHUNGTEL PAKHAT CIO NIH TUAH DING. Nan chungtel pakhat cio kha a tang lei bantuk in nan forh lengmang hna lai. 1. Na kut thiang tein i tawl lengmang. 2. Na kut in na mit, na hnar, na kaa tongh tham lo ding. 3. Na khuh or hatthio tikah tissue or na kiu (elbow) in khu ding mihmai zawn ah khuh lo ding. 4. Na taklinh, khuh, lufah, hnap tawh bantuk na um.paoh ah a rannak in sibawi sin ah i chek ding le inn ah um ziar ding. 5. Hmurkhuh (mask) a dammi nih i hruk lo ding. 6. April thla chungah flushot (tlangrai kham sii) i chunh cio ding. 7. Mitkuh vuai tein it, rawl tha tein ei piak law, pumpak dam, thawn i zuam.
HRIAL DING DANGDANG. 1. Ramdang tlawn a herh tuk lomi cu hrial rih ah a tha. 2. Zarh 2 a daihmi din ei i zalh cia ding ah a tha. 3. A hlei hluat tuk in facang, tissue tibantuk i cawkcia a herh fawn lo. Zapi hrawm duhnak thinlung ngeih ding. 4. Khual a tlawngmi nih Australa nan phak le cangka tein sibawi sin ah nan i chek colh ah a tha. Bawipa nih nan Khrihfabu nan kilvennak le nanhruainak cio ah lam in hruai ko hna seh. CCCA