Thawngpang Fianhnak. December 6, Chunhlan, Hakha Timit ah, “Zion Tualleng Motor (Zion Mucu) aa let i ngakchia pali an thi” ti mi thawngpang cu a dik lo mi a si, tiah Timit um nu pakhat nih The Hakha Post ah a chim.

”Thawngpang nan theih mi hi a dik lo. Zing 9:00 in 10:00 hrawng ah khan Timit lonh deuh ah motor pakhat aa let i minung pakhat cu a thi taktak ko. Cu thawng kan theih hnupi ah Zion Tualleng ngakchia an rak phak hi a si,” tiah Zion Tualleng ngakchia an i dinhnak thlaam hngaktu nu pakhat nih The Hakha Post ah a chim.

Hakha khuachung ah hi bantuk thawngpang a len ca ah khuami lungrethei le thlalau in an um. Thawngpang pahnih, pathum a chuah ca ah The Hakha Post nih Timit ah kal in thawngdik a hlat hnu ah hi bantuk in thawng fianhnak kan tuah hi a si. The Hakha Post Timit an phak ah Zion Tualleng cu chuncaw an ei lio a si.

Timit lonh deuh ah motor aa let i a thi mi cu Hakha, Dawrhlun Sang Biak Tha Cer nu (Tum Tum) a si, tiah kan theih. Credit: The Hakha Post