SUUKYI LE U.WINMYINT AN DAM THA.NLD MINISTERS LE MP CHEUKHAT AN CHUAH.(Chin CM, Ministers cheukhat an chuah cang). Daw. Aungsan Suukyi le President U. WinMyint cu Nyphidaw Taing Army Command Camp in an chuah i, Cozah Official Residence Inn ah an thial cang hna ti’ah theih asi i, Ralkap Doctors nih Medical Checkup an tuah hna i an ngan a dam ti’ah AFP nih a chim. NLD Vice- President Dr. ZawMyintMuang le Mandalay Ministers le NLD MP cheukhat zong Ralkap Command ( နန်းတွင်း) in an mah Official Inn lei ah an thlah i, Inn leng chuak lo dingin an hren hna ti’ah RFA in theih asi. Ralkap nih hin an tihmi le a herh tak tak an timi lawng Ralkap Camp(စခန်းများ)ah an chiah rih hna.

Ni 2/2/2021 Zinglei 10:00Am hrawngah khan Ralkap nih Rungtlang Army Camp in Chin State CM Pu. Lian Luai cu an thlah i Official Inn ah Ni -3 chung leng chuak lo dingin le buainak siam lo daite’in um ding an ti. Hluatdaw Chairman Pu.Zo Bawi, Vice- Chairman Pu.Tit Thang le Minister Pu. Soe Htet tu cu thlah lo’in bia an hal rih hna ti’ah theih asi. Ni 1/2/2021zingka te an tlaihmi Ministers Pute, Sui Thio, MangHenDal, Vui Kaw le Paulun Minthang cu, cu ni zaanlei 3- 4 hrawnghrang ah an rak chuah cang hna. Cun, Chin State Cozah Ministers le MP pawl hi tu February Ni-5 hlanah an Official Bungalows pawl chuah tak dih dingin nawl(Order)Ralkap nih an pek cang hna ti’ah theih asi fawn.

Sagaing Taing i Chin Affairs Minister Pu.Lal Thawm Thang le Sipin Minister Pu.Kam Za Mung zong 2/2/21 Zinglei 10:00 hrawngah khan Myondwa Army Camp in an rak chuah hna i, Kalemyot an mah Inn lei ah an thlah hna ti’ah thawng theih asi. Hi tihin, Kabaw lei Tamu le Khampat lei zongah Chin NLD MP pawl an thawngpang a tha theih asi i hnangam asi. Amah belte tlawmpal ah Ralkap nih Cozah Official Inn(Houses)le State/ Taing Hluatdaw vialte a khar dih cang i, Ralkap uktu bawithar a chiah dih cang lai ti’ah News nih an chim.

1/2/21″Aana an Ting” ka ah khan, Ralkap Home Minister, Vice-President U.Min Shwe le Ralbawi pawl cu President U.Win Myint sinah President power peknak an hal chih na’in, pe duh lo’in nan duh le rak ka thah uh, President sinak peknak min ka Sign kho loh a rak ti hna i, a donghnak ah Sr.General MinAungHliang nih a mah nawl in U.Min Shwe cu President sinak a pek hnu ah NDSC(ကာလုံ) Meeting an tuah i, Sr.General Min Aung Hliang cu Nawlneihnak( Full Power)2008 Phunghrampi ning bantukin an i pek. An duh nak cu 2008 Constitution kan hrawh/bawr loh ti an langhter duhnak asi.

CrPC-120 Emergency Kumkhat ca’ah a phuang i, Vawleicung ah Emergency saubik asi lai.(Cuca’ah a min ah ” LONGEST EMERGENCY COZAH( COUNCIL)” ti hau men lai Order-1/2021 to 8/ 2021 tiang a chuah cang i Supreme Court, State High Court pawl le Anti- Corruption Commission le Cozah Zungpi pawl cu, anmah ning te’in a kalter dih hna na’in, NLD Cozah i Ministers/ Dy.Ministers 24 pawl cu an rian in a dinhter dih hna i, tuhlan ah Reserve Lt.Generals aa chiahmi pawl kha Mi-11 cu Full Ministers ah a chiah tha’n dih cang.Tlawmpal ah Union Election Commission thar a dinh lai ti’ah News Agencies nih an chim.

Union Ministers thar a chiahmi pawl cu a chung i hmanthlak ah ka chiah/ tar dih ko cang i ka tial ti lai loh. Cuca’ah, Sr.General Min Aung Hliang le a ralbawi Uktu pawl nih an Cozah min ( Government Title) zong an ngei lo ca’ah, a tu U. Min Shwe hi Pro-tem President lawng asi i, chim duhmi cu Ram President um hlan chungi ယာယီ President rak tlaih chung men khi asi ti nak asi. Cuca’ah, Vawleicung ah hi bantuk in saupi( a Kum Kum in) ram uk phung a um bel loh ca’ah Election thar a tuah dih cun Mipi sinah Democracy Nawlneihnak a pek tha’n zumh cio asi ko.

Cuca’ah Mipi thinphang tuk ding kan si lemloh. 8888 Students Leaders Ko. Min Ko Niang le Ko Jimmy kha cu an thlai kho rih hna loh, an i thup.. Ralkapအနုနည်း in kan doh hna lai an ti. Ex- Sr.General Than Shwe kha နိုင်ငံတော် ရာထူး ဝန်ခန့်အပ်ချုပ်National Counselor Suukyi Rank) ah a chiah cang. Zoh rih ko hna usih. Source: MC Biklian

Hluttaw Palai Sipin Riahbuk ah chiah mi hna cu tlunnak nawl an pek cang hna. Hluttaw Palai thar Hluttaw Meeting kai ding ah aa thawh i Nay-Pyi-Taw Sipin Riahbuk ah aa thum mi hna cu February 2 ah Ralbawi pakhat nih nanmah le siaremnak in nan tlung kho cang tiah a chimh hna.

Hluttaw thar meeting cu February 1 ah tuah ding a si nain Ralkap nih Uknak (Aa-naa) a laak ca ah meeting tuah kho ti loin an riahnak Sipin Riahbuk ah an erh hna i February 2 zaanlei sang ah nan tlung kho cang an ti hna hi a si. Hluttaw Palai hna cu an umnak hmun kan thial hna lai, tiah biachawkvai a chuak ngai nain February 2 ah tlunnak nawl an pek than hna. Ref: DVB (Democratic Voice of Chin-DVC)