Khah September Thla Si Cang UN Lei Nih NUG Le Ralhrangbu Ah Athim Deng Cang Hna. UN nih NUG maw SAC Ralhrang dah athim te lai? Atu September thla tanttim ah UN meetingpi UN General Assembly tikah Kawlram kong ceihhmainak an tuah lai tiah theih a si. Hi kong ah Democracy leiah hodah zumh raih le duhmi a si timi cuanh in mah UN meeting ah hin biachah nak cu an tuahte ko lai tiah vawleipi zumh cio mi cu si. Myanmar aiawh in UN Ambassador caah hodah an thim lai. SAC lei palai maw NUG palai dah thim a si lai? mah thim dingmi ah hin fingrilh in SAC le NUG hi an rilh hna hnuah Kawlram aiawhtu dingah UN palai cu mah meeting pi nih cun an thimte lai.

NUG lei cun Myanmar UN ambassador palai hlun U Kyaw Moe Tun kha rinh ding si ko lai i SAC ralhrang lei in hodah palai ah an chuahpi te lai timi Mintar hi a fiang tuk rih lo. A tawinak in chimah cun UNO nih Kawlram Cozah caah NUG maw a thim lai SAC ralhrang phu dah arak thim lai tikhan sisehlaw el awk umtuk lai lo dah. NUG a thim ahcun vawleicung ram tampi nih NUG kha kawlram cozah ah kan cohlan tiah cathanh an chuahte lulh lai tikah ralhrang dohnak ding hriamnam zong kha fawizang tein ramleng nih NUG a bawmhchanh khawh ngai lai.

Tutan tuah dingmi UN meetingpi ah hin Myanmar to UN caah SAC palai an thim ahcun NUG caah lam aa hungmi abi taktak ve lai. NUG nih dirpi tu Europe ram tampi nihan duhning in NUG an bawmchan kho lai lo tinak kha si. Vawleipi tawh a kan tlaitu cu UNO a si caah tutan cu tuah ding UN meeting pi nih ram pakhat aiawh tu dingah UN palai si tiah a fehter dingmi hi a biapi tukmi si caah UNO nih tutan an tuah nak ding meeting ah kawlram cozah ah an nih te phu hi kan pom tiah Uico pawl maw athim lai minung dah NUG SAC tihi thindomh in hngah le cuanh cio cu si. Chinland post 7