Salai Lungthli Tum nih Tial Cung Thang konglam a chim mi cu lung a hmui kho taktak. Kan theih bantukin tuzan ah Cin pasal ttha Tial Cung Thang cu One championship nih tuah mi Malaysia ah Korean pa he an i thonghnak ah teinak a hmuh tikah lawmhpi cio asi. Atu bantukin teinak a hmuh mi nih amah lawng si loin Chin miphun min a tthatter mi hrim hmuh tikah lawmh lo awk hrim a ttha lo.

Hi kong he pehtlaiin Aung La Nsang zong nih a chim mi cu Teinak hmu dingah Malaysia kan phan, Malaysia cu Kawlram mi tampi zong nih nan kan zoh lai timi ka zumh. Zoh lai ka ngaituk tiah a Facebook ah a langhter. Malay um Chinmi zong nih thazaang pe cio hna usih. Video a tangah zoh khawh si.

Salai Lungthli Tum zong nih a tanglei bantukin Chin pasal ttha Tial Cung Thang a thangtthatnak le a canglomhnak kong cu hi ti hin a ttial. A chim mi biafang a hman mi hrimhrim uar um kho taktak. Salai Lungthli Tum. Tial Cung Thang hi cakei lungput a ngeimi Lai pasal a si. Tei a ma tuk caah nikhat ah cun ai tinhmi world champion a si te hrimhrim lai. A dirhkamhtu Aungla le Nguyen cung ah lawmh awk ngai a si.

Teinak a hmuhtu Chin pasal ttha Tial Cun Thang nih a chim mi hrim hi lung a hmui kho taktak: Bawipa ka lawm,tei nak na ka hmuh ter caah. Ka miphun hawi dih lak nan thlacam piak nak le tha zaang nan ka pek nak thawng in tei nak ka hmuh khawh caah ka lawm tuk. Tial Cung Thang