Khah! Rung Lian Ceu Nih Ukling Thang A Tei Hnuah Salai Lungthli Tum Le Rung Lian Ceu Nih An Chinmi-Video
Nizaan ah Rung Lian Ceu nih Ukling Thang he kan i paih dih hnuah a ngamhmi nan um achun zuamcawh (singkaw) khawh ka si. Kei cu zeitik caan paoh ah aa ready pengmi ka si tiah a ti i, Rung Lian Ceu nih Ukling Thang cu a vun tei taktak tikah a chuah hnawh ngammi an um lo. Rung Lian Ceu nih tuanbia dawh ngaingai a ttial tthan ko hih. Rung Lian Ceu nih Ukling Than a tei hnuah Salai Lungthli Tum biachimmi rak rel chih atanglei ah kan chiah.
Rung Lian Ceu le Ukling Thang an i paih hlanah an biachim rak rel ngai cio hmanh uh. Uk Ling Thang nih a chimmi cu, “tutan paoh cu kumdang bantukin asi lai lo, a ruang cu nan hmuh bal lomi paih nan hmuh lai caah a hmun um zong nih rak zoh dih u. Cun online chung zongin rak zoh cio u”tiah a chim.
Rung Lian Ceu nih achim vemi cu “Kei cu hohmanh ttihmi ka ngei hna lo. Cun thaizing ah kan i pai lai i ka paih dih hnu zongah a ngamhmi nan um ahcun zuamcawh (challance) khawh ka si. Kei cu zeitik caan paoh ah aa ready peng mi ka si,”tiah a chim. Video a tangbik ah kan chiah chih i ttha tein rak ngai ve tthan. Ukling Thang he an i paih dih hnu i a tei hnuah Rung Lian Ceu nih a Facebook Timeline ah attialmi vemi cu “Ka tling tlak lo bu in a ka cawi sang tu Bawipa na cung ah ka lung ka lawm,” a ttial.
Salai Lungthli Tum: Nizaan live athlah i a chimmi cu “Uk Ling Thang nih a tei hrimhrim ko lai. Uk Ling nih a tei ding hi aitechia Rung Lian Ceu nih a tei ding khi cu ruahchannak a tlawm ngai cang. Uk Ling nih a rak ngamhnak singkhawnak a sau cang tuk cang i, tutan cu Uk Ling caan si cang ko lai hih. “Rung Lian Ceu lei a ttangmi paohpaoh cu ceilak nan sung ko lai hih.
Rung Lian Ceu nih Ukling Than a tei hnuah Salai Lungthli Tum nih a chimmi cu “Chim awk bak um lo i al len te ding zong a um lo Rung Lian Ceu cu Lai paih tuanbia ah a zungzal in a thawng bikmi GOAT a si cang. Note: Rungrung cu tuhnu kum 5 chung ah zaan mang hmanh ah tei ci a si ti lo” tiah a Facebook Timeline ah a ttial. An i paih hlanah an chimmi bia rak ngai chih. An i paih hlanah an chimmi bia rak ngai chih.