Khah! Rev. Dr. Ral Buai Nih Donald Trump Kong Cu Ti Bakin A Chim Ko

Chin News

Chin mi lakah bochan deuh mi, thil thei duh tiah ruah mi tam deuh nih cun Donald Trump hi an rak uar lo ngai timi a lang. Donald Trump i thil a kal pi ning a policy kong tete zong ah soiselnak an tuah lengmang ve hna. Tutan zong ah Laimi kanpa bak a simi Rev. Dr. Ral Buai nih Donald Trump a uar lonak cu fak ngai in a rak langhter ve ko hih. Hi cabia hi USA election lai te ah Zasang Cinzah nih Joe Biden maw a ttha deuh Donald Trump dah ti phun in a rak tial, cu ahcun Rev. Dr. Ral Buai zong a rak tag ve i comment a pek hi asi.

US election 2020 | Trump vs Biden: Where they stand on health, economy,  more- The New Indian Express

Zasang catial mi taang ah Rev. Dr. Ral Buai nih comment a pek mi a si, a uar lonak cu comment in a langhter timi kha kan theihpiak hram uh. Rev. Dr. Ral Bawi nih a tial mi cu “USA ah a um mi minung vialte Donald Trump nih kum(4) chung a nawnnawk tthan hna ding a si ahcun a poi tuk lai. President thar, mi volhpamh a hmang lomi, lihbia a chim lomi. Bible zong Show tuahnak caah hmang loin a chung bia a zum mi nih USA hruai cang seh. Pathian ser mi ciocio thleidannak a ngei mi, nu a ram bik mi, nu hna zeihmanh ah rel lo, mipen a hua mi, a mah le a nupi zong mipem, USA ramchung minung ting 22 an thih pi mi zawtnak zong capo saihnak men ah a hmang mi, a za cang, kal cang seh” tiah a tial hi asi.

Rev. Dr. Ral Buai nih Donald Trump cu mi piangthar hrim ah a hmu lo tinak a si, Bible cabia ah nun tung loin show case ah Bible a hman, lih a chim, mi volhpamh a hmang tiah a comment ning in cun hmuh khawh a si.

Relchih: Ralrin Ngai Kan Hau II: Covid rai hi a langpatlang in kan raktheih ka ahcun capo phunin a chim mi zong kan um. Covid- 19 nih US ram a den tak hlan te ahkhan Khual a tlawngmi zong nan kut kan tlai ngam hna lai lo tiah Feb 26 ah ka rak tial cawlh. Ruah lopin a zual ciammam i Biakinn ah kut thlaih khawh si ti lai lo an van ti ko. Tlawmpal a ruah hlanah kan ruahphak lo mi Biakinn khar tiang kan tong. Sianginn khar kan tong rih.

Atu lio hi a zual than chin lengmang ruangah nikhat ah 2000 khan in a thimi karh khawh si tiah an chim. Nihinni tiangahcun cases (11,650,817 ) lakah (251,715) tiang bak a thimi an phan cang. A luancia nisarih chung te bak ah Cases thar ( 1,141,950) a phan i cu chungah (9,499) an nunnak a liam.Ralrin taktak kan hau.

Kan pawngkam mi le theihhgalh mi nih an van tawn tak ahcun Covid hi tih a nung ko. Kan nunnak lak awkah hmuh khawh tung loin tih a nung ngaimi Rai cu kan pawnkam te ah ai chawk cuahmah ko. Cikhat caan karlak ca te long asi lo. Hihnu kumkhat chung a rau rih kho caah hi caan chung karah zei kan tawn cio lai ti mi hi chimkhawh asi lo. Ralring tein um ko hna uhsih. Bawipa nih kan nunnak kan veng cio hram ko seh.

Leave a Reply