Khah! Ralkap Nih Thawngthanhnak An Tuah Cang

Myanmar News

Tuzing kawlram thawngpang vun theih ahcun thinlung nih a celh hrim lo mu. caan sautuk sal uknak chungin kan rak tang i, NLD cozah hruainak in nikhat hnu nikhat in ceunak lei ah kan vun kal lio lengmang lio ah atu bantukin ralkap nih uknak-nawlngeihnak an lak tthanmi thawng theih ahcun ngaihchia taktak si ko.

CoupInBurma - Twitter Search

Tuzing ralkap nih uknak an lak le cang ka in Yangon Phone Internet Line pawl an phih cang hna. Private Wifi Network lawng an ngah cang. Mah pawl zong hi a rauh hlah ah an phih colh khawh. Ralkap nih Aung San Suh Kyi le President Win Myint telh in NLD ram hruaitu tampi hna cu an tlaih cang hna. tiah thawng theih a si.

Cu lawng si loin ralkap nih uknak an lak hnu in an mah lei nih thawngthanhnak an uah mi cu “Ralkap nih thimmi Vice President U Myint Shwe cu caan karlak kumkhat tluk hi President ah kan thim cang tiah anmah Kawl ralkap media Ayeyarwady nih thawngthanhnak an tuah colh”.

Ralkap nih uknak an lakmi kongah U.S le Australia cozah zong nih kawl ralkap thil tuahmi ah cathanh an chuah colh ve. A poituk ti pin cun chim awk um lo taktak khi si. Knmah le umnak hmun cio in kanram caah thlaza cam cio hna usih!

Relchih: Myanmar Vice President (1) U Myint Swe (USDP) nih Myanmar President rian a tlaih chung. Phunghrampi Pohma 417 ning in Emergency sining kan phan tiah thawng an thanh i, rampi uknak zong an lak cang.

“November 8, 2020 thimnak ah vote ningcang loin thlaknak tam tuk a um nain acozah lei nih an chimphoih duh lo ruang ah le Amyotha Hluttaw le Pyituh Hluttaw thawk caan kan thawnpiak u tiah kan halmi an kan zulh duh lo ruang ah phunghrampi pohma 417 ning in Emergency sining kan phan tiah thawng kan thanh. Cun phunghrampi pohma 418 (a) ning in Myanmar uknak cu ralkap bawizik kut ah ap a si cang,” tiah ralkap thawngzamhnak MWD hmang in thawng an thanh.

Leave a Reply