Khah! Ralhrang Nih CM Rian Pekmi Lt.Col Vung Suan Thang Cu Hakha Khuapi Phan Cang

Chin News

Ralhrang nih Chinram uktu dingah tiah CM rian an pekmi Lt.Col Vung Suan Thang cu, nihin ah Halkha khualipi um ding in a hung phan cang. Pu Ngun Sang Aung SAC a CM rank kha khika lei ” Z” unau hna nih chuhmi si dawh in bia a thang pah. Credit: Salai Williams Hlawnceu

May be an image of 1 person and outdoors

Thawngpang dang: Yangon ah umhmun khuarmi UG phu pakhat a simi Burmese Ranger Army-LDF phu umnak inn pakhat cu August 9 ah SAC ralkap nih an rak luhhnawh hna i, an tlaih hna, tiah theih a si. SAC ralkap 30 hrawng nih civil motor pathum le DC Double Cab pakhat in an luhhnawh hna i, UG ralkap 6 an rak tlaih hna, tiah theih a si.

Tlaih a tongmi UG ralkap 6 chung in 2 cu a hmun ah an kah thah hna i, a taangmi 4 cu SAC ralkap nih ralram an kalnak ah ralphaw ah an hman hna, tiah theih a si. “An rak kan luhhnawh lio ah UG ralkap 9 an kan tlaih. Cu chung ah 3 cu kan luat. Dalan nih SAC ralkap thawng a pek hna ruangah a si, tiah kan theih caah hriamnam kan ngeihmi chung in kan si khawh tawk kan kah ve hna. Hriamnam aa dan tuk caah ralkap 6 an tlaih hna, 2 cu a hmun ah an kah thah hna.

“Meithal kuan nih ka ke a khen caah ka zaam kho ti lo. Ka hawile pahnih nih an ka cawi i, an ka zaampi,” tiah tlaih a tong i a luatmi UG, Burmese Ranger Army-LDF phu in ralkap pakhat nih a chim. Dalan nih thawng peknak ruangah Burmese Ranger Army-LDF phu le anmah he ṭhangṭi phu chung in ralkap cheukhat cu SAC ralkap nih an tlaih hna.

Tlaih a tongmi ralkap 6 sinin Glock 19-Gen5 a tawimi zun hnih, Ready Made bomb lung nga, tangka kyats sing 18, 9mm meithal kuan 200 le kutser bomb lung nga cu SAC ralkap nih an rak tlaih, tiah theih a si.

Leave a Reply