Tan Khun Kyaw cu Myanmar Idol Season 4 zuamnak ai zuam vemi asi i, amah hi Top 8 a phan vemi asi. A aw ttha i a thiam kho taktak asinain Top 8 zuamnak ah mipi vote in a tlami asi. A tlak ko nain a lungthawng ngaiin a um i a ngaihchia ve ko nain a hawile sinah a langhter lo a ttah lo tein biacahnak zong a tuah taak hna.

Naga a miphun hawi le a fans hna nih an rak don i laksawng an peknak video hi rak zoh ve hmanh a zoh a nuam ngaingai. A thiam tuk ve komi atlakning ruah tikah zaangfak ngaingai asi. Mipi zong an lungtling cio lo i a fans pawl hrimhrim cu an celh ve bak lo. An dihlak in an ttap dih. Asinain mipi nih a thiamnak an hmuh ve tikah an fans zong a ngei chin lengmang cang.

Adonghnak thlahnak biacah achim lio zongah Tan Khun Kyaw hi ngaihchia in a tap lo. Ahawi le nih an mitthli he an kuh lio zongah Tan Khun Kyaw cu mithmai panh tein um aa zuam peng. Tan Khun Kyaw chungkhar dirhmun a chimmi ruah than tikah hin tutan atlak hi cu apoi tuk ko. Ngakchia tangruk ka kai lio ah hringtu kapa nih a kan thih tak caah chungkhar harsa ngaiin khua kan sa tiah a chim. Cutluk a harsami chungkhar/ngaktah sifak chungkhar in a thanglianmi nih nihin ah Myanmar Idol zuamnak ah top 8 tiang hna a phanh khawh hi upat tlak tak tak khi a si.

Cu lawng hmanh si loin Mechanical Engineering hna cawn khawh hi Pathian nih Tan Khun Kyaw hi a cawisang hrim ko, thluachuah a pek hrim ko ti fiang tein hmuh khawh a si. Amah hi Pathian leiah tampi thazaang a chuahmi a si tiah theih a si. Nikhat khatah cun Tan Khun Kyaw cu miphun le ram caah hmantlak pasaltha a si te ko lai. Ngaktah sifak santlailo a dirkamhtu Pathian nih Tan Khun Kyaw cu a cawnnak ah hlawhtlinnak pe hram ko seh.