Na rel dih in na hawile share hna a nunnak na khamh bantuk a si lai: Min Aung Hlaing nih nihin ah thongtla minung tam taktak a chuah hna. Cu chung ahcun misual. Lainawng le mithah case in thongtla hna zong an i tel. Atu hmanthlak kan rak tarlangh mi hi nihin ah thonginn in a chuak mi a si. Yangon- Bahan Myone ah Namte he mipi nih an tlaih manh mi asi. Tuzaan suimilam 10:30 hrawng ah khan Namte saupi aa ken i a vak, cu ahcun Mipi lei nih an tlaih manh hi asi.

A mah nih a chim ning ahcun “Umnak inn ka ngeih lo caah ka vak tiah mipi a hlen chih hna, a si nain Namte saupi he a vah caah Ralkap nih mithah ding in an fial mi a si ko tiah mipi nih cun an zumh dih. Ralrin awk taktak a simi: Min Aung Hlaing nih Thongtla misual tampi chuah a timh hna, Sandah piahtu le mipi karlak ah buainak ser ding le mithah lainawnnak chuahpi ding in aa timh timi thawngpang hi February 4 ah khan Social media ah a laar ngai cang.

Ralkap minung sin in biathli kan theih mi asi tiah an rak chim. A si nain Cozah sin ah register a tuah mi News pawl nih an rak tarlangh lo caah mipi tampi nih an sum lo. A si nain nihin ah thongtla tamtuk a chuah tik hna ah biathli an rak phuan mi kha hman dawh a si.

Thongtla tampi chuah an sinak a ruang an purhdah mi: Min Aung Hlaing nih Thongtla misual lawng te chuah cu ka timhtuah mi mipi nih an theih colh lai ti a phan caah mitha tampi, ramkhel lei upa cheukhat zong a chuah chih hna ti hi mipi zumh ning a si. Aa timh bik mi cu Thongtla misual pawl kha phaisa pek hna in mipi karlak ah buainak chuah ter, mithah lainawnnak chuah ter, Sandah a piahtu mipi pawl thisen luang lak in tuah hna, cu hnu ah rampi a him lo tiah vawleipi le UN hmai ah a sual thianhnak lam kawl a timh timi hi an zumh cio.

Cun pahnihnak ah Mipi nih thongtla chuah an sinak a ruang an zumh mi cu: Thonginn tampi lawn ter, cun tutan ah a cawlcang mi, NLD upa, Ralkap nawlngeihnak a dohtu ramkhel upa, Sandah piahnak hruaitu upa pawl, Ralkap uknak duh lo ruang ah Cozah rian aa phuak mi pawl vialte hna hi tlaih hna i thongtlak dih a duh hna, cu caah thongtla tampi nihin ah a
chuah hna hi asi tiah an zumh pah cio.

Cu he aa pehtlai ngai mi: Min Aung Hlaing Cozahthar ser mi nih Kawlram dihlak Internet phih dih an duh cang, cu caah China IT expert a sawm hna ti asi. Cun Ralkap lila nih Internet upadi (Cyber law) an tuah colh ve. Cu a tlamtlin bak ahcun vawleipi nih Kawlram thongpang an theih lo karlak, internet muihnak in Kawlram a um karlah ah thongtla hmang in sandah piahtu mipi thah nawn, buainak ser, ralkap a doh tu ramkhel upa le sandah piahnak hruaitu upa vialte thongtlak, tlaih dih hi a timh ttheu lei tiah ruahdamh a si.

Hi kong hi Kawl ralkap biathli tiah an tarlangh mi chung in lak chin mi asi. Media pical nih an tial ngam lo ti asi. Cu caah Kawlram, Yangon le Mandalay ti bantuk ah a um mi, kan Laimi hawi thah nawnnak in an luat khawhnak hnga rak share ve cio uh. Zaan ah chuah vah lo ding. Sandah piahnak na tel zong ah na hnu hmai tha tein zoh. Min Aung Hlaing nih thonginn in a chuah mi hna tampi hriamhrei he an vak cuahmah. Na hawile pakhat na share hna ahcun nunnak pakhat na khamh bantuk a si. Ref: LKJ