Kan farnu Sui Hlei Ṭial ruak khamnak konghe pehtlaiin Pu Zo Bawi nih biafiang taktak a vun thanh cu lung a hmuituk hringhran. Kan theihcio bangin kan farnu Sui Hlei Ṭial ruak cu Thantlang nawlngeitu hna nih khuachung an luh an sianh hna lo. Hi kongah khuaza ramkip um, Chinmi vialte kan lung a fak dih hna. Cu pin ah Thantlang khuabawi pakhat nih a vun chap ṭ han tikah lungfahnak a zual khun.

Kan farnu Sui Hlei Ṭial ruak khamnak konghe pehtlaiin, Pu Zobawi nih hitihin a chim. Kan farnu Sui Hlei Ṭial hi covid zongin a zawmi asi lo. Inn cungin a thlami asi i, Malaysia cozah nih thatein an tawlrel hnu ah kawlram ah an rak tluntermi asi. Cun rangon in mandalay, Hakha, Thantlang ah hi bantukin an khammi hi a poi taktak mi asi ko.

Sui Hlei Ṭial ruak an kham timi hi internet in ka theih i, ka lung afak ngaingai ko. Zeiruangah hi thilhi an tuah hnga, Covid committee ah hin Laimi an i tel hnga lo maw tiah ka ruat. Cucaah hithil hi cu a sikho bak lomi thil asi, Zeitindah rianngeitu hna hi azi kan zut hna lai timi hi asi. Laitlang ah dawtnak lungthin he rian aṭuan lomi cu kan ṭhial thluahmah ko hna.

Hi bantuk minung nih dawtnak ngeih loin rian an ṭuanmi hi cu lung afaktuk. Zeitindah rianngeitu or nawlngeitu hna hi a zi kan zut hna lai timi hi ruah a si ko. Asinain a tulio cu theihcia bangin thimnak lai asi caah rian atam i, kan i tong kho rih lo. Action cu kan lak hrimhrim ko lai tiah a chim. Pu Zobawi nih hibia achimmi hi tuzing interview an tuahnak ah a chimmi asi.

Pu Zo Bawi nih hikong a chimmi hi minung tampi zong nih athei cang mi kan um ko lai. Asinain a ngai rih lomi caah tiah kan vun langhter duhmi asi. Sui Hlei Ṭial ruakkhamnak kongah Chin cozah nawlngeitu pahnih Pu Zobawi le Lian Luai hna hi zeibia hmanh an chim lo tiah minung tampi nih an chim tawn. Asinain tutan ah timhlamhnak an ngeihning cu fiang tein Pu Zo Bawi nih a vun chim. Pu Zobawi nterview tuahnak ngeih aduhmi caah VIDEO timi rak hmeh piak law ngaih khawh si lai.