US Cozah le Business On Than An Timh.President Trump nih US cozah on thannak cu anmah le state cio nih an siarem ning in on than a si lai tiah tuzan lei press conference ah a chim. On thannak nawl cu state Govorner nawl a si lai tiah a chim chap. On thannak hi phun hnih in an then, Phase one le phase two tiah an then. Phase one minung 10 tiang i pumh khawh a si lai i, gyms pawl zong on khawh a si than lai. Phase two ah hin minung 50 tang i pumh khawhnak le sianginn, daycare le camps pawl on khawhnak a tel lai ti a si. Sport zong zeimawzet cu i celh khawh a si lai.

President Trump nih state ramukbawi hna nih an duh ahcun phase one cu thaizing thawk in on khawh colh a si ko tiah a chim. Asinain state pakhat le pakhat ah zawtnak a faak deuhmi le a din deuhmi a um caah an on caan ikhah dawh a si lo. Asinain state pakhat le pakhat a neihniam mi pawl cu hmun khat ah state 4 asiloah state 6 tibantuk in on dawh an si. Hawi hlan bik ah a ong dingmi state cu 28 hrawng si dawh an si.

Michigan, Ohio, Wisconsin, Minnesota, Illinois, Indiana le Kentucky hi hmun khat ah on an timh. New York, New Jersey, Connecticut, Pennsylvania, Delaware, Rhode Island le Massachusetts hi hmun khat teah on an timh ve.  President Donald Trump nih US Medical device company a simi, Johnson $ Johnson company nih a rauh hlan ah Coronavirus khamhnak Vaccine an ser khawh lai kan zumh tiah a chim. Credit: Salai Lairamthang