Khah President Donald Trump Nih Turkey Sinah Thil Pek A Timh Cang

Nizin ah President Donald Trump nih Turkish President Recep Tayyip Erdogan cu phon chonh in, Syria ramchung chak lei ISIS hna nih an rak uk i, US-Kurdish Forces hna nih an lak tthan mi cu, Turkey nih a duhnak hmun a doh khawhnak ding caah pek a timh cang. Trump le Erdogan hi an i chawnh hnu in tuzing ah White House lei nih vawlei pi theih in thanhnak an tuah cang.

Turkey nih hin North-eastern Syria hi ralkap thazaang hmang in tuk a duhnak caan hi a sau cang i, hi hmunhma chung hi US nih ISIS teinak dingah Kurds miphun a ttuanpi nak hna hmun a si ve. Hi bantukin President Trump thiltuah mi cu mi tthenkhat nih fak piin an soisel colh ve.

President Trump nih hin kum 2014 lio hrawng i, ISIS an doh hna lio ten ah khan Kurdish miphun hna cu ttuan piin, anmah nih nunnak pe in ISIS pawl cu doh in, cung leiin Kurdish forces han cu US jet fighters hna nih biatak tein an kilven ve hna.

Kum 2014 lio i ISIS an tlaihmi hna le an thah mi hna tam deuh cu Kurds miphun ralkap hna nih an tlaihmi hna le thah deuh mi an si hna i, ti cun US ralkap hna nih cung leiin venhimnak an tuah ve hna. Mah ruangah US nih a tu bantukin biachahnak a tuahnak zong a si!

Trump nih cun ISIS tlaihmi hna hi US mipi hna nih tax an pek mi chung in cawm ken peng cu a duh lo ruangah Germany, Britain le France ram hna cu an ram chung in a kalmi ISIS hna cu lak in anmah nih biaceihnak tuahpiak ding in a ti hna, sinain, EU ram hruaitu Trump nawlnak cu an pom duh lo caah, Trump-ruahnak hi aa phundang ko rua? TURKEY kutah nawlngaihnak le ISIS ralhrang tlaihmi hna hi pek a timhnak cu si.