Atu lio Tump le Biden dohnak a kal peng mi hmun tthenkhat ah Trump campaign lei nih vote thlaknak kongah ah ning cang lo tukin vote thlakmi a um caah a thar in kan zohpiak tthan u tiah duhlonak ca an chiahmi cu tthenkhat ahcun zei rel lo ngaiin an chiahpiak men ti a si. Cu tikah Pennsylvania ah Trump campaign hna nih lawsuit an chiah hmasa mi 682,479 mail-in & absentee ballots etc kong cu an laak tthan.

Hi kongah President Trump nih sunday zanah: ‘I WON THE ELECTION!’ tiin Twitter ah a tar, Trump campaign lei nih Sunday i, Federal lawsuit an chiah tharmi tu ahcun Pennsylvania i, Joe Biden victory certify nak ding cu block an kawl cang. Democrats voters hi Republicans voters nak in an sunhsak i, biapi ah an chiah deuh tiin an complain 1.

News outlets ngan Associated Press, CNN & Fox News hna nih presidential contest ah former Vice President Joe Biden hi November 7 ah khan president tlingah an phuan cang, nain hi kongah Election Commission lawng nih teitu sinak certified results an thanh rih lo caah Biden nih a tei timi zong fehternak a um rih lo.

Khuaruahhar ngaimi pakhat cu, Pennsylvania lawsuit thar ahhin Democrats counties ah ballots felfai tein tuah le remtthan dingin caan pek an si lio ah Republicans counties tu ahcun siamremhnak caah caan pek an si ve lo. Voters thlatu nih signature etc a tuahmi a felfai maw timi hmanh khi an duh rua lo.

Cliff Levine, Democratic National Committee lawyer nih cun voters zeizatdah an vote timi hi a iang kho lo tiin a chim ve. Biden le Trump hi vote 70,000 hrawng lawng a si, Philadelphia ahhin Trump’s campaign representatives hna nih mail-in & absentee ballots zohfelnak ahhin va zoh ve dingin nawlnak an tuah len nain cu zong cu nawlngeitu nih an cohlan piak duh hna lo.

Pennsylvania ahhin November 23 ah khin a donghnak bik teinak a hmu mi certified peknak an chuah cang lai i, mah ahhin Trump campaign lawsuit thar nih hin certify chuah lonak dingah lamdang an kawl te hnga dek maw?