President Trump address of the nation ah Barack Obama hruainak lio ah Iran nuclear deal caah 2015 lio ah khan $ 150 billion bak a rak peek. Hi kong ah hin President Trump nih Obama administration cu a mawhchiat ngaingai. Iran phaisa in 1.5 billion bak an rak peek hna caah hin Iran nih nuclear hriamnaam i ngeih khawhnak lam an kawl colh, tiah a chim chih. American President ka si chung paoh ah cun Iran nih hin nuclear hriamnaam an nei kho bal lai lo, tiah a chim (As long as I am president of the United States Iran will never be be allowed have a nuclear weapon).

Iran pawl warning a peek pah hna in American nih Missile kan buaipimi cu big, powerful, accurate, lethal and fast Hypersonic Missile kan siam cuahmah lio a si” tiah Iran pawl cu a hro pah hna. Hi bantuk in bia a chim lio ah hin Secretary of Defense Mark Esper Chairman of the Joint Chiefs of Staff Gen. Mark Milley leh Vice President Mike Pence hna nih a pawngkam in an dir hnawh tthup ko.Iranian regime nih US minung a ho hmanh an hliam hna lo. A ho hmanh Iran missile cimawi nih a choih sual hna loh, tiah a chim chih.

A peh rihmi cu Middile East ah hin Iran hi muihnak lei panh in a kalmi an si tiah bia eng nawn in a phomh hna. An chimning ah cun President Trump nih hin Iran cung ah Amerian ralthuam ttha ttha pawl hman a tim ti lomi a lo. A sinain ‘crushing new sanctions’ hman timh deuh dawh in a lang. Barack Obama chan lio ah Russia, China le America’s Europeans hna nih Nuclear deal an rak tuahmi cu hnu chit ding in an chim.

NATO ah Middle East i tel be ding in an sawm chih fawn.Soleimani an US nih an thahmi cu thilttha tak pakhat tuah bantuk in a chim. Iran nih hin US hi a tu le tu in a kan hro fawn cang caah hin US ralthuam hna hin Iraq lawng silo in hmun kip ah kan ralkaap kan chiah hna nak hmun paoh hi felfai te in ven an si tiah a chim chih. A tu tiang rih ah cun kan ralkaap pawl hliam a tuarmi zong an um lo ti a si.