Khah! Oneness Pawl Kum 2000 Chung Lungkhua Le Leikak Ah Maw Nan Rak I Thuh

Sermon

Kum 2000 Chung Lungkua le Leikak Ah Maw Nan Rak I Thuh? Trinity nih Jesuh an cohlang lo a titu kha ahodah nan si? Trinity cu Chanthar cawnpiaknak (New Doctrine) asi atitu kha ahodah nan si. Mah bia cu nan buu cawnpiaknak maw asi, nan Theological Bible Sianginn cawnpiaknak dah asi. Oneness pawl hi mah tluk lawmmam in nan rak khurbing lai hi ka rak ruat lo.

Jesuh Khrih ruangah nunnak liam tiangin Jesuh a cohlang mi kha ahodah an rak si. Jesuh Khrih ruang ah Zeizah reemrua dah Trinity zumtu nunnak a liam cang. Jeush Khrih cu ka Bawipa le ka Pathian asi caah ka hlaw kho lai lo anti ruangah Cakei le sahrang rawl ah an pekmi Trinity zumtu nunnak nan rel cok lai maw..an thlan le an ruh nan rel cok lai maw?

Image may contain: text

Jesuh ruangah thong a tla mi, an thah mi, an hremmi hna ah Oneness pakhat tal an um bal maw? Khoika dah nan rak i cabik dih? Lungkua ah maw leikak ah dah nan rak i thuh? Vawlei cung dihlak Jesuh Khrih thawngtha a chim tule a rian tuantu hodah ansi. Mitthli he nunnak he aa pee mi kha ahodah ansi? Oneness nan um bal maw. Apostolic doctrine (Doctrine hmasa cem) nan i ticu ziah nan muithlam a dee lo. Lungkua le leikak ah maw nan i thuh. Jesuh Khrih caah nan rak tuar ngam lo maw asi kun ne? Nan tuanbia rel awk aum lo hrinhrim hih.

Kawlram le kan laitlang caah Jesuh Khrih ruangah nunnak pek tiang in Jesuh a dawtu kan siangbawi te hmai tal nan khap lo maw? Hakha ah va kal ulaw Siangbawi pa ruh a rawp rih lo khih. Sehtan Trinity cawnpiaktu pa tiah a thlan ah na chim ngam lai maw? Oneness siangbawi pawl pa zeizahdah Jesuh ruangah nunnak pek mi nan theih bal. Khrihfabu tuanbia va zoh uh. Nan theih lo ahcun nan siangbawi te va hal hna rih hna u.

Khuazei maw Jesuh cu kan mah ta tiphun. Nan luu i domh u law khua fak piin ruat cang uh. Oneness zumtu nih Jesuh caah zei bantuk harnak le thihnak dah an tuar bal. Tuanbia ah nan um maw? Muslim le Jews pawl nih Jesuh cu Pathian asilo, minung fa asi tiah an ti lioah ahodah thih ngamh in Jesuh cu Khamhtu Bawipa le Pthian asi tiah a dirpitu an si. Trinity zumtu ansi khah. Jesuh cu kan Bawipa le Pathian asi tiah Theology an tial piaktu kha Trinity Scholar ansi khah.

Oneness cu Apostolic doctrine asi i Trinity hlan ah aum cang nan ti kun ah, ziah Jesuh Khrih caah harnak a tuarmi le a thimi zong nan um kun lo? Lungkua le Leikak chungah maw nan rak i thuh (nan i cabik)? 1900 hnu in maw Leikak chung in nan rak chuak? Jesuh cu Jehovah asi ko, Pa le Fa le Thiang Thlarau min cu Jesuh asi ko ticu maw Jesuh nan cohlannak a sangcem cu asi?

Trinity nihcun Oneness hi Jesuh an zumh ko caah tiin ruahnak kaupi he kan in pom khawhh ko hna. Nanmah lila tu nihhin Trinity Sehtan ee cu e kha ee tiin buu nan dirh. Oneness cu doctrine hmasacem aummi asi nan ti kun ah Kum 2000 chung khoika ahdah nan i thuh? Lungkua le Leikak ah dara nan rak um? Atuhi teh khoika kua in dah nan rak chuak than? Khrihfa le Khrihfabu tuanbia cu Trinity thisen in tialmi asi kha philh hrimhrim hlah u.Ludomh buin ruat ulaw. Jacob R. Thang

John Fready nih lehnak a tuahmi: Jacob R. Thang ,Nangmah teh Jesuh Min le Thawngtha biatak ruangah zei bantuk harnak le fahnak le soiselnak le dohnak le temhinhnak le rawltam le tihaal le mitku vuai lole zawtnak hna na temtuar ve bal maw aih?

Jesuh Min le thawngtha bia cu rawltam ti haal tuar i, bu hri tiangin a chuk le a cho ah na vahvaihpi bal ve maw? Si lo ah, Trinity doctrine ngai ngai zong si lo, Oneness doctrine le si lo, cawnpiaknak thar chuahpitu hi Nangmah dara na rak si taktak? Mi dang hna zong hi nangmah fialmi maw an si? Pathian pakhat kong fianter timh i, pakhat chel, pahnih chel, pathum taktak chel, Pathum maw ti I pakhat, pakhat maw vun ti ah pathum , Bible cacang mah duhnak ka paoh lak i mah duh paoh i a aupitu hna cawnpiaknak hi

Cawnpiaknak thar titu kha Keimah ka si. Na bia nih cun vui ruh hmanh a khiah lai tiah, Nangmahtu kha Naa thuhnak fake account in rak chuak tuah ca, Pasal, Na catial bang Jesuh Min ruang le thawngtha bia ruangah cun zei paoh a ngamh dingmi dirhmun ah Kan hmuh ko hih. Cabik naa thuhnak fake account khan rak chuak law, zapi hmai ah na Pasal hawi bantuk in na mui rak i langh tuah ca.

Bible chungah cun Ram a daw I ram a sersiamtu hna ding Pathian mi hna cu, Vawlei Siangpahrang hmai ah siseh, zei bantuk tih phannak hmun zongah siseh, i thup buin, mi kha an doh bal hna lo,
Pathian a tih mi, mi dik , mi piangthar le thawngtha biatak karhnak dingah khrih Sal tha na si taktak ah cun, fake account men men in Oneness doctrine hi rak doh hlah, Cabik Naa thuhnak fake account in Naa langh ngam tung lo sicun, Nangmah le na pahrang te kha tuan law, dai tein um ko.

Leave a Reply