Kalaymyo ah COVID-19 hrik ngeimi an karh chin lengmang. December 5 ahkhan zawtnak hrik ngeimi minung 11 fai an hmuh i December 6 ahkhan zawtnak ngeimi minung 2 an hmuh chap ṭhan. December ni 6 ṭhiamṭhiam ah damnak hmu in a chuakmi minung 5 fai an um cang. Atu ah Kalaymyo ah COVID-19 hrik a ngeimi hi a minung in 55 fai an um cang tiah Kalay IPRD thawngthanhnak nih a taar.

Zawtnak a hung karh chin lengmang ruangah Kalaymyo ah ummi leng a chuakmi paoh paoh nih Mask an i vuah dih khawhnak hnga lampi ah General administration, Health Department, NGO pawl nih Mask phawtnak le zuarnak lampi ah an ngeih hna.

Mipi a chawkvakmi Mask a vuah lomi cu Mask 1 cio pek an si hna. A caw khomi nih Mask 50 Ks 1000 man tlawm tein an cawk ter hna tiah theih a si. Mipi nih Mask an i vuah dih khawhnak hnga caah atu bantukin zaang hlei cawi in rian an ṭuannak hi a si.

Atu bantuk 100% Mask Campaign cu General administration, Health Department, NGO cheukhat le Acozah rianṭuantu cheukhat he i bawm in December 7 in 13 tiang Mask zuarnak le phawtnak (Campaign) hi ngeih a si lai tiah theih a si. Chirhchan:IPRD Kalay

Admin hmurka: Chinworldnewsvening nih thawngpang kan ṭialmi hi kanmah nih kan phuah cawpmi kan ṭialmi a si lo. Mipi sinah adikmi thawngpang zamh hi kan i hmuitinhmi a si. Cun, thawngpang kan ṭialmi hi areltu mipi caah ṭhathnem santlaih, theihtleih ṭha siseh ti hi kan i hmuitin bikmi a si. Asinain, minung kan ti cu tlamtlinlonak tete zong a kho mi a si caah thawngpang kan ṭialmi kan palhnak a um  cun theihter khawh peng kan si.

Mipi sinah thawngpang thlazamh piak na duh si cun zeitik caan paoh kan i thlahzamh piak khawh zungzal hna. Kan thawngpang ṭialmi kongah, pehtlaih a duhmi nih Salai J Vanduhthar Lahnin ah pehtlaih khawh peng kan si. Na relmi thawngpang hna hi midang nih an rel khawh ve nak hnga aṭha tiah na ruahmi a um ahcun share in rak kan bawm ve. Kan ca a kan rel piaktu nan dihlak cungah kan ilawm. Upatnak he Admin