Kan hnuzarh ah kan rak tar bal cangmi China ramah a nunnak a liammi Salai San Uk Lal cu Falam khuai ah ruak phakpi a si i tlamtling tein a vui zong an vui cang. Falam khuapi a ruak a phanh khawhnak hi ahawipa Salai Zung Thang i teimaknak ruangah a si. Salai San Uk Lal cu China, Sandong ah a hlawhfami a si i December 20,2019 ah dam loin a um.

A hramthawk ahcun ahawile nih sii inn(private) ah an kalpi i cu hnu lawngah a cuap a tthat lo an theih. Cuticun, Falam ah tlung dingin zeizong vialte an i timhtuah dih hnu 2020 Tangkawng 1 ah ahawipa Salai Zung Kip Thang he cun kawlram leiah an i thawh. San Uk Lal cu a hawipa Salai Zung Thang nih cun a rak tlunpi. Cuticun Kawlram an phan i hotel an i dinhnak ahcun San Uk Lal cu a nunnak a liam hi a si.

Salai Zung Thang cu lampi ah a hawipa nih a rak thih tak tikah a ngaihchia tuk ve, a si nain a hawipa San Uk Lal ruak cu Falam a nulepa sin ah phak pi ding hrimhrim in biachahnak fel a tuah i raltha tein a rak tlunpi. China ram in Falam tiang a rak tlunpi nak ah harsatnak tampi a um ve. A caan ah lam le sul ttha a um lo i tupi chung lakah a hawipa San Uk Lal ruak cu a puak pah tawn. Cu ti te cu a hawipa ruak cu Falam khua tiang a rak phak pi hi asi. A caan ah harsatnak a um ko, a mah te lawng in a hawipa ruak a bultawl, pasalttha dirhmun ah a um i a hawipa a ruak cu tluang tein Falam tiang a rak phak pi hi asi. Credit: Worldmeifar/Vapualauaw

Note: Hi thawngpang hi Falam ca Laiholh in kan lehmi a si tikah a dik lonak le kan palhnak tampi a um lai. Asi lo ningin ka ttial palhmi zong a um kho men a ruahzia nan kan thiamnak lai kan i nawl duh hna. Cun Amah caah tiin David Nun Tho nih Gofundme in laksawng caah tiin bawmhnak a halpiak i bawmh khawh i zuam cio hna usih.

Hi link hi hmet law ka hin bawmhnak pek khawh a si.