Khah Myanmar ramchung Ramkulh hna ah CDM an tuahning zat cu a tanglei bang in an si. 1. Chin Ramkulh Chin Ramkulh ah hin cozah riantuan mi minung 20,000 leng an um i cu chung ah minung 14,000 leng nih CDM an tuah ca ah zatuak in 72% an um. CDM a tuah mi miluzat hi Kanpalet ah 700 leng, Thantlang ah 1475, Hakha ah 2954 leng, Minddat ah 2700 leng, Paletwa ah 146, Teddim ah 1307, Tonzang ah 774, Falam ah 1980, Matupi ah 1630 tiin an an si i an zapi fonh ah minung 14,591 an si cang.

2. Kachin Ramkulh Kachin Ramkulh ah hin cozah CDM a tuah mi minung 5,532 an um. Hi lak ah CDM a tuah mi riantuantu an tam biknak zung hna cu fimcawnnak zung le siangcachim hi pakhatnak, Ngandamnak zung lei hi pahnihnak, tlanglawng (train) in kuatphorhnak zung lei hi pathumnak an si.

3. Kayah Ramkulh Kaya Ramkulh ah hin CDM a tuah mi cozah riantuantu an dihlak ah minung 7,000 leng an si cang, tiah a hmun um Strike Committee nih an chim. 4. Kayin Ramkulh Kayin Ramkulh ah hin CDM a tuah mi cozah riantuantu an dihlak ah minung 10,000 leng an si lai, tiah CDM dirkamhnak bu in riantuantu hna nih an chim. Cu lak ah Fimcawnnak zung hi CDM a tuah mi miluzat an tam bik.

Hi fimcawnnak zung lei ah riantuantu minung 16,604 an um i minung 4,428 nih CDM an tuah i zatuak in 27 % an si. 5. Mon Ramkulh Mon Ramkulh ah CDM a tuah mi cozah riantuantu an dihlak ah minung 7,000 leng an si. 6. Shan Ramkulh Shan Ramkulh ah CDM a tuah mi cozah riantuantu an dihlak minung 8,511 an si. 7. Rakhine Ramkulh i CDM a tuah mi cazin hi fiang tein theih khawh a si ri lo.