Myanmar Idol Season 4 Top 6 pawl an fans pawl sinah zuamnak le nuamhnak an tuah, zoh an nuam kho taktak. Rak zoh ve cio hmanh uh! Duh an nunning an pa 6 ning tein an i nuamh khawhning le zoh an dawh khawhning cu lung a hmui kho taktak. Myanmar Idol khuakhanning a ttha ngaingai. Mipi hliphlau nak le Idol pawl hliphlau nak ttha ngaingai an tuahpiak hna.

Top 6 hla an sak cu zoh an nuam ngaingai an thiam kho taktak fawn hna. An hla sakmi hrimhrim ngaih a nuam kho tuk. Kan nau le pathum Yaw Kee, Esther Dawt Chin Sung, Benjamin Sum zong level pakhat hnu pakhat in an thiam chin lengmang cang. Vote pek daithlang hrimhrim hna hlah usih! Kan daithlan sual ahcun a poi ngai lai hih!

Miphun le ram caah tuah bia dawh ttialtu si hram hna seh!  A um bal lomi tuan bia kan ttial piak hram hna seh! Kan nau le pathum an nunnak hi mipi kut a hngatmi asi. Voting an kal tikah, thiamnak theng loin vote in an tei sual hna ahcun an tla sual lai. Kan nau pa Tan Khun Kyaw zong kha thiamnak in a za bak nain voting in a tlakmi asi ti fiang tein theih le hngalh khawh asi. Cucaah Vote daithlang hna hlah usih!