Myanmar ah Datsi-Diesel Thlahnih ca lawng a taang! Ralkap nih uknak a chuh hnu in Myanmar ram ah datsi-diesel a lut ti lo i tu hnu thlahnih ca hrawng lawng a taang tiin thawngpang a chuak tiah BBC nih a langhter. MK Datsi-Diesel rianttuannak CEO a simi U Min Aung Hlaing nih “February 1 thawk in ramdang lei in datsi-diesel a rak lut kho ti lo.

Ahlan ah cun hi bantuk in ramdang lei in a luh khawh lo tik ah kanmah tein kan lak khawh tawn. Asinain atu cu lak a har ngai cang” tiah a chim. Asinain ramdang lei datsi-diesel pawl chuah khawh ding in kan i zuam cuahmah lio cu a si ko tiah a chim chap. “Atulio sining chim ahcun Myanmar ah datsi-diesel a tlawm ngaingai cang ti khawh a si.

Atu zong hi rikhiah phun in a phawt in kan i phaw pah cang,” tiah U Min Aung Khanh nih a chim. “Atu zong ah datsi/diesel man cu a kai cang ko. Asinain, atu ning tein a kal peng ahcun a man a kai chin thluahmah ko lai,” tiah a chim chap. Source: BBC

Relchih: Ralkap nih uknak an lak hnu in bank an khar hlei ah Myanmar phaisa kyat man a zor caah ramdang cawkmi(import) datsi a lut ti lo, atu lio ramchung a ummi datsi hi thla hnih hrawng lawng a nguh cang lai an ruah tiah Reuters nih a tial.

Ramchung kan hmanmi datsi (gasoline-diesel etc.) 98% hrawng bak hi ramdang cawkmi a si, ramchung ah chuahmi a tlawm tuk. Atu hi datsi man a kai thluahmah cang. Atu hi ralkap kuttang ummi Myanmar sipuazi cu ai cawl kho ti lo, a thaw pit dengmang. Hiti ning CDM kan peh khawh ko ahcun Min Aung Hlaing cozah a tlu colh hrim lai. Salai