Atulio thawngpang cu zawtnak ṭihnung thawngpang lawngte theih ding a um rua kan ti lioah Kawlram lemcang thiam minthang hna an phohpiannak thawngpang le hmanthlak theih le hmuh ding ahung tam chin lengmang ve ai. Mirum nih tangka thazaang hmangin duh chungin an lemsoi khawh tikah nupi ca ding taktak ah duh lem loin caankhat nuamhhaihnak ca men an rak duh hna i nupa sinak an tuah pi hna.

Cu lawng hlah cuti nuamhnak an tuah lio hmanthlak le video an i thlakmi cu atubantuk in an phozar ṭhan ṭheo tawn. Cucaah daithlan sual ahcun chikhatte mualpho le ningzahnak menmen a si ko. Kawl lemcang thiam hna tampi hibantuk in amualphomi an tlawm ti lo, an tam taktak cang.

Tutan zongah muidawh mithang taktak a rak simi Myat Keti Aung nih a pasal phohpian taaknak konglam an hung phozar ṭhan hoi cang. Model Myat Keti Aung le an pa ṭhing hi aluancia kum 2006 ahkhan a rak i ṭhiummi an si. Cuti cun nuam ngai in khua an rak sak ṭi. Cun ramdang (US) ah an kal. Cuti US i an um tlawmpal ah cun Video Director a simi Zaw Min Aung he an rak ruah lo piin an phohpian diam ai.

 

A pasal ṭhing nih anupi a zumh tuk ve caah Video Direcotor Zaw Min Aung he an phohpian ti an rak chimh ah hin a rak zum kho hrimhrim lo. An phohpian lai lo tiah tiin a nupi cu a zumh peng rih. Asinain a pasal ṭhing cu caan saupi US i an um hnuah Kawlram leiah a va tlung.

Cu kawlram lei i a tlung hnu ceu ah a nupi nih a phohpian tak timi aa fiang i a zumh. Cuti a nupi nih a phohpian tak cu a thinhung tuk i a nupi cu le Director Zaw Min Aung nuam an cennak cu mipi hmuh ah a phozar diam ai. Avideo cu an chiah lo nain an hmanthlak cheukhat pawl a chiahmi zoh khawh a si.

A video le hmanthlak zoh le ngaih khawh a si.

Hi thawngpang hi rak rel chih : CoronaVirus kongah ka ruahning tlawmpal. CoronaVirus kong ahcun President Trump dirhmun hi ka cohlan khawh ngaingai. Zawtnak hrik nih a tonghmi minung dihlak ah 80% hrawng hi siizung phanh hau loin cumpit tlangrai thlawp sawhsawh in sii pumkhat-hnih din in an dam ko ti a si. Siizung phan tiangin a zawmi lak zong ahhin mino zaangthawng deuh pawl cu an dam than dih pah ngawt nain kumkhua upa le damlonak dangdang a ngei ciami deuh lawng hi a thimi an si. Atulio ah Convid-19 ruangah an buai biknak ram pakhat a simi, Italy, zong khi a thimi an tampi cang nain a thimi hi a buaktlak in kum 81 hrawng an si ti a si (Laimi zaran lebang cu tartlung in kan thih hmanh ah cu tiangtiang kan chan a sau lo).

A rengreng ah vawlei pumpi nih hmunkhat ah an buaipi cangmi zawtnak cu t’ih tuk ding a si tilo tiin ka ruah. An hloh khawh lo zongah an tlaihrengh khawh chom hrimhrim ko lai. Thil poi ngai pakhat bantuk ah ka ruahmi cu kan President nih hi Virus kongah amah rumro a holh tuk i hmual a ngei rua lo dah ka ti. Acozah aiawh in ngandamnak kong mithiam sang pawl tu hi zalawng deuhin biachimnak le fianternak tuahter lengmang hna sehlaw mizapi caah lung a nuam deuh ngai men lai.

A poi chinchin mi cu hi Virus nih a chuahpimi thinphan thlalaunak ruangah vawleicung economy aa sukkhak tukmi hi a si. Stock market ah phaisa a phummi caah fahnak tampi a chuahter hlei ah Meiti he ai pehtlaimi ah rian a tuanmi ca lebang ahcun mineng a tla tuk hringhran lai. Sushi tiangin aman lo dih cang. Meiti hi t’engki pakhat ah $20 hrawng lawng a si chom lai tiah thiamsang hna nih an tuakdonh. Meiti man t’um tuk cu mizapi caah a t’ha tuk ding a lo nain chaw lehthal tluanlo ruang (economic inactivity) le meiti tamtuk (oversupply) ruangah a cangmi a si lai caah thilt’ha a si hrimhrim lo.

Facang le tissue tampi i cawkcia luklak nih zeipi an kan t’hathnem men lai lo. Aa sukhak mi chawlehnak dirhmun lio ah zeitindah kan ngeihmi chawva kan tuaktan i kan tawlrel timi tu hi kanmah pumpak ca le kan chungkhar caah a biapi ding a si. Tax return in hmuhmi phaisa ngeihchun in mah duhmi thil man fakfak cawk caan a si lo. A tluang lomi chawlehnak ruangah rian loin um sual zongah caantawi pawcawmnak kongah lungrethei tukin khua tuaktan hau lo dingin zokzok in itimhtuah caan a si tiah ka ruah. Credit: Biak Hnin Sang