Nay Phyidaw Duh Lonak Langhtertu Myat Tattat Khine Kaptu Palik Bawi! Nay Phyidaw zongah Ralkap duhlo lamzawhnak cu a linsa chin lengmang. Nihin Duh lonak langtermi chungin Siangngakchianu Mzh Myat Tattat Khine cu palik bawi Nyi Nanda timi pa nih a lu ah meithal in a kah i a ril.

Minu cu sizung ah a ran khawh chungin an tlikpi i tuan deuh ah a thi tiin thawng an thanh. Sinain atutiang ahcun a thi rihlo. A nunnak ding hi zakhat ah 3 tluk hrawng lawng a um, a nung lai timi chim awk tha silo a si khawh chungin a nunnak chanh kan i zuam lai tiah siibawi te nih an chim.

Sianghngakchianu a kaptu palik pa Nanda win ti zongah ai timi pa cu biaceih zungah chuahpi a si tiah Myanmar bbc thawngzamhnak nih a langhter. Hi thawng pang ruangah mipi thinlin in an um i duh lonak langhtermi a let in a linsa kho tiah mitampi nih an chim. Ref: The Thantlang Post Network

Relchih: 8888 uprising lio hi kan ngakchiat lio a si i, zei ka rak theih lo. Asinain, 8888 generation pawl lakah 8888 lio sandahpiahnak ah a rak itelmi vialte cu nihin ah ichim awk tuanbia le tuanbia hmanthlak taar awk an ngei. 2007 Saffron Revolution ah Laimi tampi an rak itel ve i, mahlio caan ah aa telmi paoh nih an tuanbia ah ichim awk an ngei ve.

Atu lio 2021 CDM movement le sandahpiahnak ah aa tel i a cawlcangmi vialte nih tuanbia nan ttial cuahmah. Tulio movement ah daite in a ummi paoh cu, hmailei tuanbia chim caan a phak tikah an hmai a hngal te lai lo. Cucaah Tulio kawlrampi thlennak caah a aumi le CDM ah aa telmi vialte hi kan lawmh taktak hna. Nan nun ah hmaihngal pi awk tuanbia dawh nan ttial cuahmah a si.

Tulio movement ah a biapimi belte cu ralrin tein um ding upto date thawngpang theih izuam ding Peaceful demonstration tuah ding Thinhung in thilin tuk ko zong ah thihnak or khawndennak tlang phak sual ahcun nun a tha deuh tiah hrial ding. Ramleng khuasa hna nih a lang in zei hmanh kan tuah kho lo i, kan lung a fak. Kan di a riam kho lo. A lang in thlacam kan in bawm hna. By Zasang Cinzah