Khah Mino zong dai tein an um kho ti lo

Theihtlei

Mino zong hmanh dai tein an um kho ti lo: Ka fapa Van Dawt Lian: Chinram le Miphun caah saduthah le aihram nak. Chinmi nih ralring le fimkhur taktak kan her! A Cung biatlang he pehtlaihin tu hrawng Chin miphun kan caah biachim holhrel siseh ramkhel riantuannak cawlcanghnakin siseh fimkhur tak le ralring taktak kan her lio caan te a si! Au thlorh in kan kaa angin au caan a si lo. Hnu lei/hmailei tuanbia cuanh in mino thlu lo upa thlu loin chungthli tein ttan biatak tein kan lak a her lio caan te a si!

Image result for aung san suu kyi"

Panglung hna tlaknak chungah rak tuah ka lio ah mah le miphun cio in ralkap rakngeih a si. ‘Chin battalion’ tiah Chin ralkapbu cu an rak thawng ngaingai an ral a tha. Karen nih kawlram pumpi a vun dohtim tikah tlangcung mi vialte kha i thlak lo dingin a biak chonh hna tikah cu lio ah cun Chin battalion Lubik lei nih an le mi hna cu kan holh lai lo cu belte kan mah miphun na hmursuam ah cun daitein ka um lai lo Lehrulh na si ko lai tiah bia a rak tiam hna ti a si.

Kanren nih Chinmi cu tonak ngeih dingin a kawh hna tikah chin mi chungin minung zeimawzat an thlah hna I Karen sinah cun an va kal tik ah Kawl mi nih Karen mi sinah chin mi nan kawh mi hna he pehtlaihin a ra mi hna kha Chin mi an si lo kawl ralkap nih Hlathlai tu ah a thlah mi hna lawngte an si tiah bia a tuah kenh hna I Keren ralkap nih Chin mi cu lam ah an bawh hna I an kan hna ti a si.

Image result for aung san suu kyi"

Cun kawl nih chinmi cu Karen ral tuk dingin akawh I Chin kan pu le nih Karen cu an rak tuk kha a si an ti. Karen ral kan tei tiah kan I ruah nain Chin mi nih teinak pel te hmanh kan hmu lo tuni tiang. Karen raltuk ah thadih zangbat tuar in thazang kan sungh! Kawl nih teinak a co Chinmi battalion pi tiang kan rak tlau beh! Chin battalion pi cu a min te lawng tuanbia chimnak ah theih a si cang.

A tu ah Cutluk in a kan hloh dihtu kawl ralkap uknak kan doh cuahmah lio I chitkhat kah daih chungnak he caboi cung bia raldoh nakin chonbiak lio ah hin ,Yakhyin he kan I nonnok rih hawi I kawl ralkap nih CNA cu Yakhyin dohnak dingah hmang aa tim than hawi lai! Yakhyin doh kan hnatlak pi I kawl ralkap cozah lei kan ttang rih ah cun Kawl ralkap cu chungthli in an i nuam tuk hringhran hnga. Kan lunthlitum kan khen cang, tlangcung miphun kan thenthet khawh cang hna an ti lai. I caan tlawmpal cu kan duhmi sasa a kan dangh lai i kum2 /3 a luan cun kan ralkap CNA zawng a tlauh beh hawi rih lai I tuanbia lawngin tu le fa hna nih an rak rel len ve te lai i lungfahnak sangchinchin in an rak tuar than rih hawi lai.

Cucaah a dawnghnakah langter ka duh mi cu tlang cungmi dang vialte nih kawl ralkap an doh hna lio te ah hin kan ralkap thawnter zawkzawk ve in ‘Vawlei pi ral a thawh lio ah US nih daitein a um I hriam thatha a ser i Japan nih a vun thuat tikah Japan cu fawitein a tei. cu ti a thawng tuk mi Japan a vun tei tikah ram derthawm vial te cu doh hau ti loin Vawlei pi cu a kuttangah a chiah diam ko.

Cu bantukin Yakhyin kawnghi leng langh in aukhuang tuk lo tein kawl ral pi tei nak ding caah kan thinlungput ah I ruah chih in kawl cozah nih kan u nau pawl a doh hna lai I a tha abaa tuk te lai i , Chin mi nih kawl ral cu nemnak tein kan tei te lai i tlangcung mi vial te zawng kan chanh chuah dih hna lai. Cuticun doh hau loin kan tangah Yakhyin cu an um te lai i upatnak tu an kan pek le lam te lai! Dam te cio in. Saya Rung Kaw

Leave a Reply