Mipi caah nikhat hnu nikhat thawngttha a um lio ah Gen. Min Aung Hlaing ca ahcun thawngchia le mangchia nih a zulh chin ve lengmang cang ko hih. A fawinak in chim ahcun Ralkap pawl an mangchia chin lengmang cang. Palik pawl tampi cu mipi lei ah an dir thluahmah cang. Nizaan zongah Mungzua ah Ralkap pakhat mipi lei ah a dir tiah thawngtheih a si. Nihin February 19 zongah RFA nih an langhter ning ahcun Mandalay ah ralkap uknak kan duh lo tiah palik minung 9 nih mipi lei ah dir in duhlonak- sanda an piah tiah a langhter.

Hi lawng si loin Mandalay ramchung lawngah Palik minung 100 leng nih CDM ah an i tel cang tiah mi bawmchantu phu hna nih an chim. Hi kongah CDM ah ai telmi palik pawl nih mipi he i bawm in kan cawlcang lai tiah an langhter. Mipi pawl le CDM a tuahtu cozah rianttuantu hna an cawlcanghnak cu hmual a ngei chin lengmang i, thawngttha nih mipi tuahsernak a zulhdawi chin lengmang ti khawh si. Source: RFA Burmuse

Relchih: Thaizing ca thawngthanh! Thaizing 2021 Feb. 20 hi ralkap uk kan duhlo langhternak Hakha ah kan cawlcanghnak a ni 14nak a si cang lai. Kan tha a ba cio cang lai nain thaizing zong lamzawhnak in cawlcanghnak kan ngei than lai. I tonnak hmun: Cozah Sipuazi Bank hmai or Suhpawng zung hmai- Bogyoke lam

I ton caan: Zinglei suimilaam 10:00. Biakilh: Zaangfah tein DAWR kan kharpiak hram u, tiah kan in nawl hna. Chinchiah ding. CND a si ca ah Lai thilthuam kan i hruk hna lai. I dinhnak cu Carson Hall hmai ah a si lai i CND caan tlawmpal hmantinak he sathluak zong kan eiti hna lai. Flag sticker le Sathluak ca ah siantawkte kutsamhnak he thazaang chuah cio a si lai. Credit: The Hakha Times