Khah Min Aung Hlaing Alungtlin Lo Nak Aum Caah Athlah Taktak Cang Hna Hih! Kawl Ram Caah Cun Tihnung Tuk Cang. NLD Cozah chan ah Daw Aung San Suu Kyi le NLD Cozah soisel ruang ah Rampi minchiat tertu timi pohmah 124, a in taza cuai mi, tlaih ding in Warrant an chuah mi Misual Phungki Wirathu cu Min Aung Hliang nih Thonginn in luat nak a pek cang, Kawlram mipi kan caah thawngpang chia taktak a si ko.

 

Mah tluk thawngpang theih cu Wirathu hi Kawl ralkap dirkamhtu, Buddhist biaknak lawng kawlram ah um seh ti a duhtu, Biaknak dang le Tlangcung Miphun huatnak thlaici tuh tu a si. NLD Cozah chan ah tlaih ding in warrant an rak chuah i a rak zaam. Kumkhat chung athuh hnu 2020 November rampi thimnak lai te ah ruahchannak ngan pi ah a mah tein a rak i ap mi asi.

 

Nihin ah a mah he aa pehtlai mi tuanvo ngeitu kan chawnh hna. Video Conference in Biaceih zung ah biahalnak tuah a si. Cun a sualnak, a case vialte thianh piakdih, khar piak dih a si cang. Cu caah nihin zaan lei ah thonginn in chuah zalen a si nak a si” tiah The Irrawaddy News nih a tarlangh. Wirathu thonginn in zalennak an pek cu Kawlram mipi caah thawngpang chia taktak a si. A ruang cu mipi lemsoinak a phun phun in a tuah lai, Kawl ralkap an dir khawhnak ding ah a phunphun in bia a chim tthan lai i ralkap nih an kutke bantuk in an hman tthan lai ti hi zapi zumhnak asi.