Khah Mayweather Le Pacquiao Kan Hmuh Tthan Men Hna Lai

Vawlei cung boxer vialte lak ah hlawngtling bik tiah chim ngam mi Floyd ‘Money’ Mayweather nih Manny Pacquiao he i thonghnak ding kong ceihkhannak ngei dingin Saudi Arabia ah a kal lai nak ding cu social media nih an phozar mi video tawi ah a chimmi hmuh a si.

Mayweather nih video tawi a post mi ahcun Saudi Arabia-ah Pacquiao he an i thonghnak ding kong buaipi dingin a kal lai nak kong chim in, a hmasa bik ah lawmhnak chim ka duh. Saudi Arabia-ah Mayweather -Pacquiao rematch kong ceih dingin ka kal khawh ding hi ka lawm taktak. Saudi Arabia rak i ralring chung, Floyd ‘Money’ Mayweather ka ra lai,”tiah a chim.

A luancia kumli ah khan boxer pahnih, Mayweather le Pacquiao an rak i thongh ah khan Mayweather nih teinak a rak hmuh i, boxing vawlei in aa dinhnak kong zong a rak chim. Tutan ah Manny Pacquiao nih a singkhaw mi a cohlannak kong video tawi a thlah tikah ah mipi nih ngaih ven taktak mi a si pinah an hmuh ding phaisa zong a tam taktak ding a si.